Дьокуускайга 2 мөл. солк. тахса суумалаах төлөбүрү ылыыга түөкүннээһининэн тэриллибит холуобунай дьыаланы суукка ыыттылар

Силиэстийэ быһаарыытынан, 39 саастаах буруйданааччы дьахтар Арассыыйа тас өттүгэр олорон, оҕоҕо харчынан ыйдааҕы төлөбүрү ылыан баҕаран, Дьокуускай куоракка олоробун диэн сымыйанан бэлиэтэнэн, 2022 сыл балаҕан ыйыгар, 2023 сыл кулун тутарыгар, ону тэҥэ, 2024 сыл ыам ыйыгар босуобуйаны ыларга докумуонун ыыппыт.   

Онон 2022 сыл сэтинньититтэн 2025 сыл муус устарыгар диэри сокуоннайа суохтук ыйдааҕы босуобуйаны ылбыт, хоромньу уопсай суумата 2 мөл. солк. тахсаҕа тэҥнэспит.

РФ Холуобунай Кодексын 159 ыст. 3 ч. тэриллибит холуобунай дьыаланы Дьокуускай куорат борокуруора суут көрүүтүгэр ыыппыт.

Бу туһунан СӨ Борокуратууратын телеграм-ханаалыгар суруйаллар.