Дьокуускайга 2-с уонна 19-с №-дээх оптуобустар сырыылара уларыйыаҕа

Дьокуускайга ахсынньы 7 күнүттэн 2-с уонна 19-с №-дээх оптуобустар уларыйбыт хайысхаларынан тургутан айанныахтара. Бүтэһиктээх быһаарыныы ылыныллыар диэри бу хайысхаларынан ахсынньы ортотугар диэри сылдьыахтара диэн киин куорат дьаһалтата иһитиннэрэр.

Хайысхалар куорат олохтоохторун санааларын учуоттаан туран оҥоһуллубут.

2-с №-дээх оптуобус Харах балыыһатынан, Свердлов уулуссатынан сылдьар буолуоҕа. Оттон 19-с №-дээх оптуобус Халтурин уулуссатынан сылдьыаҕа, итиэннэ 17-с оскуола таһынан ааһыыта сөргүтүллүөҕэ.