Дьокуускайга 2 саастаах оҕо түннүктэн суулунна

Бүгүн, от ыйын 8 күнүгэр, Дьокуускайга элбэх кыбартыыралаах дьиэттэн 2 саастаах оҕо түннүктэн суулунна. Бу туһунан Саха сирин силиэстийэлиир кэмитиэтин пресс-сулууспата иһитиннэрэр. 

Элбэх эчэйиилээх кыра оҕону суһаллык балыыһаҕа илдьибиттэр даҕаны, кырачаан өйүгэр киирбэккэ өлбүт.

Барыллаан быһаарыынан, быһылаан Халтурин уулуссатыгар тахсыбыт. Кыра оҕо балконтан араас малы быраҕа туран, бэйэтин уйуммакка сууллан түспүт.

Билигин силиэстийэлиир кэмитиэт бэрэбиэркэ ыытар.