Дьокуускайга 24 саастаах итирик дьахтар эр киһини быһаҕынан анньыбыт

Дьокуускай полициятын отделыгар киин куорат биир балыыһатыттан эр киһи быһаҕынан анньыллан киирбитин туһунан биллэрбиттэр.

Силиэстийэ быһаарыытынан, урут сууттана сылдьыбыт 24 саастаах олохтоох дьахтар эр киһини быһаҕынан эчэтиигэ уорбаланар. Саха сиринээҕи ИДьМ пресс-сулууспата иһитиннэрэринэн, эмсэҕэлээбит эр киһи дьиэтигэр дьахтары кытта бииргэ арыгы испиттэр. Ол кэмҥэ икки ардыларыгар иирсээн тахсыбыт уонна кыбартыыра хаһаайына дьахтары үүрэргэ күһэйбит. Айдаан подъезд көрүдүөрүгэр салҕаммыт. Ханнык эрэ кэмҥэ уорбаланааччы дьахтар эр киһини уҥа ойоҕоһун өттүгэр быһаҕынан анньыбыт.

Холуобунай дьыала тэрилиннэ. Дьахтар 10 сылга диэри болдьоххо көҕүлэ быһыллыан сөп.