Хаартыска: куорат мэрията
Дьокуускайга 25 №-дээх оптуобус сырыытын туһунан быһаарыы ылыллыаҕа.
Бу сыалга үс быһаарыы ылыллара үөрэтиллэр, ол иһигэр оптуобус сырыытын маршрутун уларытыыта эмиэ киирэр. Ол иннинэ оптуобус кыраапыгынан сырыытын хааччыйыыга 25 №-дээх маршрутка атын маршруттартан оптуобустары көһөрүөхтэрэ. Бу туһунан Куораттааҕы суол-тырааныспар сулууспатыгар иһитиннэрдилэр.
Дьокуускайдааҕы суол-тырааныспар сулууспатын салайааччытын э.т. Людмила Давыдова этэринэн, 25 №-дээх оптуобустар 17 мүнүүтэ арыттаан сылдьыахтаахтар, ол эрээри билигин кыраапык толору толоруллубат. «Дьаһалта өттүттэн оптуобус суоппардарын кытта кэпсэтии барар. Сотору кэминэн былааны таһынан куорат уонна куорат таһынааҕы маршруттарын дьүүллэһиигэ хамыыһыйа уочараты таһынан мунньаҕа буолуоҕа, — диэн Людмила Давыдова эттэ.
Хамыыһыйа быһаарыытыттан көрөн, 25 №-дээх маршруту кыччатыахтара эбэтэр күүһүрдүөхтэрэ, ону тэҥэ баар дуогабары көтүрүү туһунан быһаарыы ылыллара көрүллэр. «Барыта маршрутка 10 оптуобус сылдьар, өрөбүл күннэри учуоттаан туран, үлэ күнүгэр маршрутка 6-8 оптуобус тахсар, оттон өрөбүл күннэргэ өссө аҕыйах», – диир Людмила Давыдова. Мэрияҕа кыраапык тутуһуллубат боппуруоһунан сиһилии бэрэбиэркэ ыытыахтара.
Дьокуускайга балаҕан ыйын 21 күнүгэр "Кросс нации" сүүрүү ыытыллыаҕа. Бу туһунан СӨ физическэй култуураҕа уонна…
СӨ Борокуратууратын дааннайынан, ааспыт сууккаҕа Саха сиригэр 11 буруйу оҥоруу тахсыбыт. Дьокуускайга ювелирнай мастарыскыайы халаан,…
Таатта улууһун олохтооҕо Афанасий Лопатин хортуоппуй хостуур тэрили толкуйдаабытын туһунан СИА суруйар. Бу тэрил хортуоппуйу…
СӨ Борокуратууратын дааннайынан, 2024 сыл аҕыс ыйын иһигэр өрөспүүбүлүкэ дьахталлара 1023 буруйу оҥорбуттар, ол иһигэр…
Бүгүн, балаҕан ыйын 19 күнүгэр, Саха сирин хоту, хотугулуу-илиҥҥи, Арктика оройуоннарыгар сорох сиринэн инчэҕэй хаар,…
Саха сирин Бырабыыталыстыбатын бэрэссэдээтэлин бастакы солбуйааччы Дьулустан Борисов Нерюнгри улууһугар оробуочай сырыытын кэмигэр Соҕуруу Саха…