Хаартыска: СИА
Дьокуускайга туспа биридимиэттэри дириҥэтэн үөрэтэр 29 №-дээх оскуолаҕа эбии тутуута салҕанар.
Ил Дархан Айсен Николаев от ыйын 12 күнүгэр Дьокуускай куорат 29 №- дээх оскуолатыгар тутуу тэтимин хонтуруоллаата. Тутуу үлэтэ дойду Бэрэсидьиэнэ көҕүлээбит «Үөрэхтээһин» национальнай бырайыагын чэрчитинэн ыытыллар. Оскуола саҥа дьиэтэ биир симиэнэҕэ 350 миэстэлээх, иэнэ 8 тыһыынчаттан тахса квадратнай миэтэрэ. Эбийиэк тутуута бүгүн 60 тахса бырыһыана бэлэм.
«Бу бырайыак уратыта диэн оскуола оскуола таһынааҕы сирэ кырыымчыгынан учуоттаан, оҕолору сынньалаҥнарыгар кыра архитектурнай тутуулары эбийиэк сарайыгар туруорарга быһаарыллыбыта. Тутуу аныгы ирдэбилгэ барытыгар эппиэттиир. Эбийиэк сыл бүтүөр диэри 1300 оскуола үөрэнээччилэрэ билиини, кылаас таһынан дьарыктары баһылыылларыгар үчүгэй усулуобуйаны тэрийэргэ көмөлөһүөхтээх», — диэтэ Ил Дархан. Эбийиэк бэдэрээччитэ этэринэн, быйыл сыл бүтүөр диэри тутуу үлэтэ сэтинньи ыйга түмүктэнэрэ былааннанар.
Эбийиэккэ билигин 105 тутааччы үлэлиир. Манна актовай уонна успуорт саалалаах куорпустаныаҕа. Бастакы этээскэ начаалынай кылаастар блоктара, мэдииссинэ блога, психолог хоһо, технологияны уонна үлэҕэ угуйуу кэбиниэттэрэ, суунар зоналаах уонна 312 миэстэлээх остолобуойдаах буолуоҕа. Иккис этээскэ икки көмпүүтэр кылааһа, нуучча тылын уонна лилтэрэтиирэтин, устуоруйа уонна обществознание кылаастара, черчение уонна уруһуй, лаборантскай, 224 олордуулаах актовай саала уонна спортивнай саала оҥоһуллар. Үһүс этээскэ математика, ОБЖ, география, биология, физика уонна астрономия кылаастара, уус-уран дьарыгар угуйар бөлөхтөр хосторо көрүлүннүлэр. Тутулла турар эбийиэк сарайыгар оҕо оонньуур былаһаакката уонна хаамар зона тэриллиэҕэ. Айсен Николаев бу уопуту тутуллуохтаах оскуолалар эбийиэктэригэр тарҕатыахха сөбүн бэлиэтээтэ. Ил Дархан тутуу тэтимин түргэтэтэргэ кэккэ сорудахтары биэрдэ.
Саха сиригэр кэнники алта сыл иһигэр национальнай бырайыактарынан 329 улахан социальнай эбийиэк тутуллубута. 2023 сыллаахха өрөспүүбүлүкэ федеральнай бүддьүөтүттэн национальнай бырайыактары үбүлээһиҥҥэ дойду эрэгийиэннэрин ортолоругар үһүс миэстэни ылбыта.
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…