Дьокуускайга 29 кылаас харантыыҥҥа барда

Дьокуускайга, олунньу 4 күнүнээҕи дааннайдарынан, ОРВИ ыарыыттан 29 кылаас харантыыҥҥа барда. Бу туһунан Үөрэх управлениетын начаалынньыга Мария Петрова иһитиннэрэр.

«Үөрэх тэрилтэлэринэн уопсай харантыын биллэриллэ илик уонна былааннаммат», — диэн кини этэр.

Кини этэринэн, Дьокуускай бары уһуйааннарыгар уонна оскуолаларыгар Роспотребнадзор ирдэбиллэринэн санитарнай фильтр үлэлиир.

Төрөппүттэри оҕолор доруобуйаларыгар болҕойоллоругар уонна ыарыы бастакы сибикилэригэр дьиэҕэ олордоллоругар ыҥыраллар.