Дьокуускайга 3 саастаах кыыс оҕо түннүктэн суулунна

Саха сирин Силиэстийиэлиир кэмитиэтин управлениетын силиэдэбэттэлэрэ Дьокуускай куоракка  элбэх кыбартыыралаах дьиэттэн кыра оҕо түннүктэн сууллубут быһылаан төрүөтүн быһаарар үлэни ыыттылар.

Ол курдук, от ыйын 16 күнүгэр киэһэ 19.00 чааска Силиэстийэлиир уорганнарга  Циолковскай аатынан уулуссаҕа иккис этээстэн оҕо түннүктэн сууллубутун туһунан тыллаабыттар. Оҕону балыыыһаҕа киллэрбиттэр. Билигин кыыс оҕо туругун быраастар кэтииллэр.

Тахсыбыт быһылаан чахчытынан Саха сиринээҕи Силиэстийэлиир кэмитиэтин управлениетын силиэстийэлиир отдела процессуальнай бэрэбиэркэни ыыттылар. Силиэстийэ быһаарбытынан, оҕо уһун кэм устата көрүүтэ суох хаалбыт. Ийэтэ төлөпүөнүнэн кэпсэтээри хос иһиттэн тахсыбыт уонна кыра оҕону көрүүтэ-истиитэ суох хаалларбыт. Ол түмүгэр оҕо түннүктэн сууллубут диэн Саха сиринээҕи Силиэстийэлиир кэмитиэтин пресс-сулууспата иһитиннэрдэ.