Дьокуускайга 32 сылаас тохтобулу үлэлэттилэр

Балаҕан ыйын 16 күнүгэр Дьокуускайга баар 46 сылаас тохтобултан 32-тин үлэлэттилэр, сылааһы холбоотулар. Хаалбыт 14 тохтобулга өрөмүөн үлэтэ ыытылла турар. Бу туһунан киин куорат дьаһалтатын пресс-сулууспата иһитиннэрэр.

Куорат суолга-тырааныспарга сулууспатын дааннайынан, ааспыт нэдиэлэҕэ оптуобустар сырыыларын кыраапыга туолбут:

• ЯПАК — 93%;
• «Союз Авто» чааһынай тэрилтэ — 76%.

Кыһыҥҥы кэмҥэ, бытарҕан тымныыга сылаас тохтобул баара абырал. Сылаас тохтобул иһигэр олорор ыскаамыйалар эрэ буолбакка, чэй, кофе иһэрэ аппарааттар, оптуобус сырыытын тута көрдөрө турар экрааннар, о.д.а. бааллар. Тохтобуллар улахан түннүктээхтэр, тупсаҕай көрүҥнээхтэр.