Дьокуускайга 500-тэн тахса дьиэҕэ ититиини холбоотулар

Дьокуускайга ититиини түһүмэхтэринэн холбооһун салҕанар. Балаҕан ыйын 10 күнүнээҕи даннайынан, 205 социальнай эбийиэккэ уонна 526 элбэх кыбартыыралаах дьиэҕэ ититии холбоммут диэн Дьокуускай куорат уокуруктааҕы дьаһалтата иһитиннэрэр.

Балаҕан ыйын 8 күнүттэн куорат баһылыгын солбуйааччы Владислав Сивцев салалтатынан ититиини биэрии ыстааба ыытыллар.