Дьокуускайга 54 саастаах эр киһи аһаҕастык маҕаһыынтан төлөпүөн уорбут

Дьокуускайдааҕы полиция отделын дьуһуурунай чааһыгар ас-үөл маҕаһыынын атыыһытыттан 15 тыһ. солк. сыаналаах мобильнай төлөпүөн уоруллубутун туһунан сайабылыанньа киирбит.

Бу туһунан Саха сиринээҕи ИДьМ пресс-сулууспата иһитиннэрэр. Суһал-ирдиир тэрээһиннэринэн холуобунай ирдэбил үлэһиттэрэ буруйдаах 54 саастаах эр киһи буоларын быһаардылар.

Силиэстийэҕэ быһаарыллыбытынан, буруйу оҥорооччу маҕаһыыҥҥа атыылаһа туран, атыыһыт каасса аттынааҕы остуолга хаалларбыт төлөпүөнүн биллэрбэккэ эрэ уоран ылбыт.

РФ Холуобунай Кодексатын 158-с ыстатыйатын 2-с чааһынан («Уоруу») холуобунай дьыала көбүтүлүннэ. Буруйдаах 5 сылга диэри көҥүлэ быһыллыан сөп.