Дьокуускайга 58 саастаах эр киһи түннүктэн суулунна

Ааспыт сууккаҕа Саха сиригэр сэттэ буруйу оҥоруу бэлиэтэннэ диэн СӨ Борокуратуурата иһитиннэрэр.

Алдан оройуонугар 33 саастаах дьахтар доруобуйатын улаханнык эчэттилэр. Уорбаланааччыны быһаардылар.

Дьокуускайга баан счетуттан 596 тыһ. солк. уордулар.

Киин куоракка уонна Нерюнгри оройуонугар түөкүттэр 3 мөл. солк. тахса харчыны уордулар.

Нерюнгрига наркотигынан эргиммиттэрэ билиннэ.

Дьокуускайга Лермонтов уулуссатыгар баар дьиэ иккис этээһиттэн түннүктэн 58 саастаах эр киһи суулунна. Эр киһини госпитализациялаатылар.

Сунтаарга чааһынай дьиэ умайда. Баһаар буолбут сириттэн 32 саастаах эр киһи өлүгүн буллулар. Уот туохтан барбытын быһаараллар.

Ленскэй уонна Мэҥэ Хаҥалас улуустарыгар суол саахаллара буолбут, онно үс киһи эчэйбит.

Суукка иһигэр итирик туруктаах 13 суоппары туттулар.