Хаартыска: Николай Борисов, ЯСИА
Бу сыл тоҕус ыйын түмүгүнэн, Дьокуускайга итирик туруктаах массыынаны хаттаан ыыппыт дьоҥҥо сыһыаннаан 274 холуобунай дьыала тэрилиннэ (РФ ХК 264.1 ыстатыйата). Бу туһунан киин куорат Госавтоинспекцията иһитиннэрэр.
Бу ыстатыйа ирдэбилинэн, массыынаны былдьааһын дьаһала ыытыллар. Сыл саҕаланыаҕыттан 62 массыына судаарыстыба туһатыгар тутулунна. РФ Холуобунай кодексатын 104.1 ыстатыйатыгар олоҕуран, буруйданааччы арыгы иһэн эбэтэр наркотиктан итирик сылдьан иккиһин уруулга олорбутун иһин массыыната былдьанар. Ону таһынан, сыл саҕаланыаҕыттан Дьокуускайга итирик туруктаах эбэтэр мэдиссиинэ көрдөрүүтүттэн аккаастаммыт суоппардар кыттыылаах 152 суол быһылаана бэлиэтэннэ. Бу саахалларга 6 киһи олоҕо быстыбыт, ол иһигэр иккитэ – сокуоннай саастарын ситэ илик оҕолор, оттон 54 киһи араас эчэйиини ылбыттар.
«Итирик туруктаах массыынаны ыытыы суоппар олоҕор эрэ буолбакка, аттыгар олорор пассажирдар уонна суол хамсааһынын атын кыттааччыларын олохторугар эмиэ кутталы үөскэтэр. РФ Холуобунай кодексатын 264.1 ыстатыйатынан эппиэтинэс 16 саастан саҕаланар», – диэн ГАИ-гар бэлиэтээтилэр.
Алтынньы 17 күнүгэр Аҕа дойду Улуу сэриитин бэтэрээнэ, Социалистическай Үлэ Дьоруойа, Ленин уордьанын, «Сиэрпэ уонна…
Орто Халымаҕа арыгы иһэн баран итирик туруктаах тахсыбыт иирсээн алдьархайга тиэрдибит. Эрин куукуна быһаҕынан өлөрбүт…
Күн уота аҕыйыыр, күн кылгыыр, кириип, сыстыганнаах вирус ыарыытын ахсаана элбиир – кыһын киһиэхэ санаа…
Владимир Балынец дойду паралимпийскай сүүмэрдэммит хамаандатын састаабыгар киирэн, пауэрлифтиҥҥэ аан дойду чөмпүйэнээтин үрүҥ көмүс мэтээлин…
Бу күннэргэ Ньурба олохтооҕо, история учуутала Галина Копылова дьиэтигэр гранат диэн экзотическай фруктаны үүннэрбитин хаартыскалара…
Бырабыыталыстыба бэрэссэдээтэлин солбуйааччы – Бэрэсидьиэн Уһук Илиҥҥэ боломуочуйалаах бэрэстэбиитэлэ Юрий Трутнев ыыппыт Уһук Илин социальнай-экэнэмиичэскэй…