Дьокуускайга 64 саастаах эр киһи 5,2 мөлүйүөн солкуобайы албыннаппыт

Дьокуускайга 64 саастаах биэнсийэлээх түөкүттэргэ албыннаппытын туһунан полицияҕа сайабылыанньа суруйбут.

Эр киһи куйаар ситимигэр тарҕаммыт харчыны үлүннэрии угуйугар киирэн биэрбитин туһунан быһаарда. Киниэхэ мессенджер нөҥүө эрийбиттэр уонна аан дойдутааҕы валютнай биржа брокера буоларыгар уонна атыы-эргиэн эйгэтигэр кыттарга этии көтөхпөтүттэр. Бу туһунан Саха сиринээҕи ИДьМ пресс-сулууспата иһитиннэрдэ.

Түөкүттэр ыйыыларын батыһан, биэнсийэлээх Revelbev сыһыарыыны хачайдаабыт уонна криптовалюта атыылаһарга оонньообут. От ыйын саҥатыгар кини туох баар харчыта счетуттан сүппүтүн булбут. Ону таһынан түөүкүттэр кини аатынан кирэдьиит ыла сатаабыттарын быһаарбыт. Баан тус сирэй көрсүүтэ суох кирэдьиит биэрэргэ аккаастаабыт. Төһө даҕаны түөкүттэр албынныылларын билэн туран, биэнсийэлээх  албыннатыам диэн сэрэйбэтэх. Ол курдук 2,5 ый иһигэр 5,2 мөлүйүөн солкуобайы сүтэрбит.

Түөкүттэртэн сэрэхтээх буолуҥ!