Дьокуускайга 74 саҥа оптуобуһу ылыахтара

Быйыл Дьокуускай куоракка уопсастыбаннай тырааныспары саҥардарга 74 саҥа оптуобуһу ылары былаанныыллар. Бу туһунан олунньу 24 күнүгэр  куорат дьаһлататын мунньаҕар эттилэр. 

Билигин судаарыстыбаннай  лизинговай тырааныспар хампаанньатын кытта атыылаһарга усулуобуйатын быһаарсарга кэпсэтии бара турар. Өрөспүүбүлүкэ өттүттэн чааһынай суоппардар лизинг көрүҥүнэн ылалларыгар бастакы усунуостарыгар субсидиялаан, көмө баар буолуоҕа.

— Атыылаһарга үчүгэй усулуобуйа баар буолуохтаах, маршруттары болҕомтолоохтук үөрэтэн баран, саҥардыллар кыахтаахтары өйүөххэ наада, — диэн куорат аҕа баһылыга Евгений Григорьев бэлиэтээтэ.

Санатар буоллахха, өрөспүүбүлүкэ 100 сылыгар, 2022 сыллаахха киин куоракка саҥа оптуобустар кэлбиттэрэ.