Дьокуускайга 9 этээс болкуонуттан оҕо сууллубут

Бүгүн, ыам ыйын 10 күнүгэр, Дьокуускай куоракка «Борисовка-1» түөлбэҕэ түөрт саастаах оҕо 9 этээс болкуонуттан сууллубут.

Уол оҕо олус ыарахан туруктаах балыыһаҕа киирбит. Быраастар оҕо олоҕун иһин охсуһаллар.

Миэстэтигэр Силиэстийэлиир кэмитиэт силиэстийэлээччитэ үлэлиир. Оҕо туругун, эчэйиитин туһунан чопчу биллибэт. Силиэстийэлиир үлэ чэрчитинэн быһылаан миэстэтин көрөллөр, туоһулары ыйыталаһаллар уонна да атын тэрээһиннэри ыыталлар. Бүтэһиктээх процессуальнай быһаарыы бэрэбиэркэ түмүгүнэн ылыллыаҕа, Силиэстийэлиир кэмитиэт пресс-сулууспата иһитиннэрдэ.