Дьокуускайга 9 этээстээх дьиэҕэ баһаар буолла

Бүгүн, олунньу 26  күнүгэр, сарсыарда  08.51 чааска Дьокуускай куорат баһаарынай-быыһыыр сулууспатыгар Петр  Алексеев уулуссатыгар тоҕус этээстээх дьиэҕэ баһаар тахсыбытын туһунан суһал иһитиннэрии киирбит. Бу туһунан  ЫБМ управлениетын пресс-сулууспата иһитиннэрдэ.

Суһал иһитиннэрии киирээтин кытары, биэс мүнүүтэнэн быыһааччылар тута тиийбиттэр. Баһаары умулларыыга 44  киһи уонна тоҕус тиэхиньикэ үлэлээбит. Барыллааһын быһыытынан, баһаар уот ситимэ кылгас тиксиһиититтэн (короткое замыкание)  тахсыбыт.