Хаартыска: М.Васильева (ЯСИА)
Балаҕан ыйыгар өрөспүүбүлүкэ киин куоратыгар Аан дойду иккис сэриитэ түмүктэммит күнүгэр анаан бырааһынньыктааҕы тэрээһиннэр ыытыллыахтара. Бу туһунан СӨ Ил Дарханын уонна Бырабыыталыстыбатын дьаһалтатын пресс-сулууспата иһитиннэрэр.
Балаҕан ыйын 2 күнүгэр 12 чаастан Кыайыы пааркатыгар «Якутск — Город трудовой доблести» мемориальнай комплекс территориятыгар «Эхо Победы: помним, гордимся, чтим» диэн үөрүүлээх тэрээһин ыытыллыаҕа. Ол күн «Огни Победы» диэн Бүтүн Арассыыйатааҕы аахсыйа Кыайыы болуоссатыгар уонна «Поем двором» патриоттуу аахсыйа бэтэрээннэр олорор дьиэлэрин таһыгар буолуохтара.
Балаҕан ыйын 3 күнүгэр 9 чаастан «Солдат Тумйаады» мемориальнай комплекска куорат оскуолаларын үөрэнээччилэрэ сибэкки дьөрбөтүн ууруохтара. 09:30 чааска Кыайыы болуоссатыгар «Сад памяти» аахсыйа ыытыллара былааннанар, манна мастары олордуохтара.
12 чаастан 16 чааска диэри киин куорат араас муннугар — Кыайыы болуоссатыгар, Өрөспүүбүлүкэ болуоссатыгар, Комсомольскай болуоссакка уонна Доҕордоһуу болуоссатыгар «Дальневосточная Победа» диэн аахсыйа ыытыллара былааннанар. Кыайыы үтүө көмөһүттэрэ муаровай лиэнтэлэри түҥэтиэхтэрэ.
Итиэннэ 15 чаастан Кулаковскай уулуссатыгар баар «Кристалл Холлга» «Спасибо вам, ветераны!» диэн үөрүүллээх тэрээһин Октябрьскай уокурук бэтэрээннэригэр анаан ыытыллыаҕа.
Атын былааннаахтык араас аахсыйалар ыытыллыахтара: Аҕа дойду Улуу сэриитин өйдөбүнньүктэригэр уонна пааматынньыктарыгар сибэкки дьөрбөтүн ууруу, «Библиополе» саайтка «На сопках Манчжурии» ыстатыйа тахсыыта, өйдөбүнньүк киэһэтэ, викториналар, кинигэ быыстапкалара.
Ийэ искибиэригэр «Песни военных лет» диэн аһаҕас микрофоҥҥа кэнсиэр ыытыллыаҕа, Аан дойду иккис сэриитин туһунан киинэлэри киинэ тыйаатырдарыгар көрдөрүөхтэрэ, «Живая память» диэн байыаннай дьайыы бэтэрээннэрин дьиэ кэргэттэрин кытта көрсүһүүлэр, «Память поколений» Бүтүн Арассыыйатааҕы аахсыйаҕа хаартыска, сэрии кыттыылаахтарын тус малларын быыстапкалара туруоҕа. Бырагырааманы «Огонь памяти» аахсыйа түмүктүөҕэ.
Саха сиригэр Беларусь өрөспүүбүлүкэтиттэн тырааныспар-логистическай сибээһи сайыннарыы бырайыагын чэрчитинэн тимир суол саҥа маршрутунан бастакы таһаҕастар…
Ил Дархан Айсен Николаев бүгүн, атырдьах ыйын 29 күнүгэр, "Якутия, вперед!" биэриигэ ый түмүктэрин таһаарда.…
Нерюнгри оройуонун Улахан Хатымы сэлиэнньэтин таһыгар сүппүт эр киһини буллулар. Тыыннаах, мэдиссиинэ көмөтүгэр наадыйбат диэн…
Эдьигээн улууһугар Бэстээх уонна Сангаар икки ардыгар өрүскэ тайаҕы көрбүттэр. Василий Аполлонов видеоҕа устуута: https://t.me/ysiaru/87745
АРТ Киэргэ сонун бренд «Киэргэ» ювелирнай дьиэтин саҥа тыыннаан, атырдьах ыйын 25-28 күннэригэр Санкт-Петербурга ыытыллыбыт…
Түргэн тэтимнээх үйэҕэ кофета суох дьон сатаммат. Кофе буортулаах дииллэр. Ордук саастаах араҥаҕа уонна оҕолорго.…