Дьокуускайга ааспыт сууккаҕа 19 суол саахала буолбут

Дьокуускайга суукка иһигэр 19 суол саахала буолбут, ол түмүгэр биэс киһи эчэйбит диэн киин куораттааҕы Госавтоинспекция иһитиннэрэр.

8 чаас саҕана  «Toyota Corolla Fielder» массыына 25 саастаах суоппара Чепалов уулуссатынан айаннаан иһэн «Уҥа диэки айан» бэлиэни тумнан, Чернышевскай уулуссатыгар иннин диэки айаннаабыт. Ол түмүгэр 38 саастаах бэлисипиэттээх киһини түҥнэри көппүт.

Тускул түөлбэҕэ суол саахалыгар 20 саастаах пассажир суорума суолламмыт. «Toyota Allion» массыына 22 саастаах суоппара Сайдыы уулуссанан айаннаан иһэн уот льиинийэтин тирэҕин тоҕу көппүт. Суоппар бырааба суох эбит, хааныгар  0,630 мг/л арыгы баара биллибит. Матырыйааллары силиэстийэлиир уорганнарга тиэрдибиттэр.

Якутскай уул. 2/16 №-дээх дьиэтин таһыгар «Toyota Corolla Axio» массыына 32 саастаах суоппара 16 саастаах бэлисипиэттээх оҕону түҥнэри көппүт.

Лермонтов уул. 162 №-дээх дьиэтин таһыгар  «Toyota Succeed» массыына уонна «Racer» матасыыкыл харсыспыттар. Саахалга матасыыкыл суоппара эчэйбит.