Дьокуускайга ааспыт сууккаҕа икки оҕону түҥнэри көппүттэр

Ааспыт сууккаҕа Дьокуускай куоракка 11 суол саахала бэлиэтэммит, онтон иккитигэр сокуоннай саастарын ситэ илик оҕолору түҥнэри көппүттэр.

Ол курдук, ыам ыйын 11 күнүгэр киэһэ 17.00 чаас саҕана Каландаришвили аатынан уулусса 1 №-дээх дьиэ таһыгар 32 саастаах суоппар «Toyota Passo» массыынанан 8 саастаах оҕону түҥнэри көппүт.

Ол түмүгэр сокуоннай сааһын ситэ илик оҕоҕо амбулаторнай эмтэниини анаабыттар.

Эмиэ ити күн 18.00 чаас саҕана Петровскай уулуссаҕа 21/2 №-дээх дьиэ таһыгар 34 саастаах «Toyota Wish» массыынанан 6 саастаах оҕону түҥнэри көппүт. Саахал түмүгэр сааһын ситэ илик оҕо эчэйиини ылбыт.