Ааспыт сууккаҕа Дьокуускай олохтоохторо 500 тыһ. тахса суума харчыны уордарбыттар

Дьокуускай куорат икки олохтооҕо түөкүттэргэ албыннатан харчыларын сүтэрдилэр. Кинилэр полицияҕа сайабылыанньа суруйдулар диэн Саха сиринээҕи ИДьМ пресс-сулууспата иһитиннэрэр.

Ол курдук, 68 саастаах эр киһи түөкүттэргэ 450 тыһ. солк. ыыппыт. Кини Роскомнадзор үлэһитэ буолан кубулуммут түөкүттэр угаайыларыгар киирэн биэрбит. Иккис эмсэҕэлээччи, 52 саастаах киин куорат олохтооҕо, 70 тыһ. солк. сүтэрбит. Кини харчытын билэр киһитигэр ыыппыт, онтуката мессенджер аккаунун алдьатан киирбиттэрэ биллибит. Итини таһынан, полицейскайдар 55 саастаах дьахтар баан счетуттан түөкүттэр 900 тыһ. солк.  уорбуттарын көрдүүллэр.