Дьокуускайга ааспыт сууккаҕа үс оҕону түҥнэри көппүттэр

Ааспыт сууккаҕа Саха сиригэр 6 буруйу оҥоруу тахсыбыта бэлиэтэммит. Бу туһунан СӨ Борокуратууратын пресс-сулууспата суруйар.

Мииринэй улууһун Чернышевскай бөһүөлэгин олохтооҕуттан түөкүттэр 1 мөл.солк. уорбуттар, киин куоракка баан каартатыттан 70 тыһ. солк. харчы уоруллубут.

Киин куоракка «Lexus» уонна «Honda Freed» массыыналары күрэппиттэрин туһунан тыллаабыттар, итирик туруктаах уонна сымыйа докумуоннаах сылдьан уруулга олорбут суоппардар тутуллубуттар. Киһи өлүүлээх суол быһылаана регистрацияламматах.

Дьокуускайга 3 суол саахала тахсыбыт, 3 сокуоннай саастарын ситэ оҕолору (2009, 2014 уонна 2015 с.т.)  түҥнэри көппүттэр. Суукка иһигэр 4 суоппар итирик туруктаах сылдьан тутулунна.