Дьокуускайга аатырбыт худуоһунньук Айвазовскай быыстапката аһылынна
02.06.2024, 09:15
![](https://sakha-sire.ru/wp-content/uploads/2024/06/65c47442-a8ce-42a7-9fe4-8e51d8cf0d07-1-900x596.jpg)
Хаартыска: Мария Васильева, СИА
Бөлөххө киир:
Дьокуускайга Национальнай ойуулуур-дьүһүннүүр түмэлгэ «Айвазовскай уонна улуу нуучча маринистара» быыстапка аһыллынна.
Экспозиция нуучча ускуустубатыгар муора пейзажтарын жанрын сайыннарыы туһунан өйдөбүлү биэрэр. Сүрүн үлэлэринэн көрүүгэ 30 хартыына уонна 19 болотуна Иван Айвазовскай хартыыналара турдулар. Кинилэр ортолоругар аатырбыт ««Петр I при Красной Горке, зажигающий костер на берегу для подачи сигнала гибнущим судам своим» үлэтэ баар.
![](https://sakha-sire.ru/wp-content/uploads/2024/06/2024-06-02_08-32-47.jpg)
![](https://sakha-sire.ru/wp-content/uploads/2024/06/2024-06-02_08-32-18.jpg)
![](https://sakha-sire.ru/wp-content/uploads/2024/06/5e4e6952-0504-4fbe-a1f2-37424caffefa.jpg)
![](https://sakha-sire.ru/wp-content/uploads/2024/06/25e0ccb0-98c3-4c37-88de-c68a4d75c96e.jpg)
![](https://sakha-sire.ru/wp-content/uploads/2024/06/65c47442-a8ce-42a7-9fe4-8e51d8cf0d07.jpg)
![](https://sakha-sire.ru/wp-content/uploads/2024/06/50eac87c-bae3-4037-93ec-bdcaaf3ad974.jpg)
Быыстапка Судаарыстыбаннай Нуучча түмэлин пуондатыттан кэлэн, бэс ыйын 2 күнүттэн балаҕан ыйын 1 күнүгэр диэри туруоҕа.
Саха сирин Бырабыыталыстыбатын бэрэссэдээтэлэ Кирилл Бычков бэлиэтээбитинэн, быыстапка Саха сирин ускуустуба быыстапкатын устуоруйатыгар саамай далааһыннаах бырайыагынан буолар. Култуураҕа уонна духуобунай сайдыыга миниистирэ Афанасий Ноев быыстапка куорат олохтоохторугар уонна ыалдьыттарыгар интэриэһинэй буоларын бэлиэтээтэ. Айвазовскай аан дойду үрдүнэн саамай күүстээҕинэн ааҕыллар нуучча флотун ойуулаабытын көрдөрөр диэн кини эбэн эттэ.
Быыстапка Дьиэ кэргэн уонна Оҕо саас сылларыгар ананар. Бырайыак чэрчитинэн, интэриэһинэй тиэмэлээх экскурсиялар, маастар-кылаастар буолуохтара.
Санаттахха, СӨ Бырабыыталыстыбатын былааннаах үлэтинэн, 2023 сыллаахха Дьокуускайга нуучча улуу худуоһунньуга Иван Шишкин быыстапката уонна Эрмитаж күннэрэ буолбуттара. Бу киин куораттарга бара сатаабакка, ускуустуба улуу диэйэтэллэрин үлэлэрин көрөр кыаҕы биэрэр.
+1
4
+1
+1
+1
+1
+1
+1
Сообщить об опечатке
Текст, который будет отправлен нашим редакторам: