Дьокуускайга аатырбыт худуоһунньук Айвазовскай быыстапката аһылынна

Share

Хаартыска: Мария Васильева, СИА

Дьокуускайга Национальнай ойуулуур-дьүһүннүүр түмэлгэ «Айвазовскай уонна улуу нуучча маринистара»  быыстапка аһыллынна.
Экспозиция нуучча ускуустубатыгар муора пейзажтарын жанрын сайыннарыы туһунан өйдөбүлү биэрэр. Сүрүн үлэлэринэн көрүүгэ 30 хартыына уонна 19 болотуна Иван Айвазовскай хартыыналара турдулар. Кинилэр ортолоругар аатырбыт ««Петр I при Красной Горке, зажигающий костер на берегу для подачи сигнала гибнущим судам своим» үлэтэ баар.
Быыстапка Судаарыстыбаннай Нуучча түмэлин пуондатыттан кэлэн, бэс ыйын 2 күнүттэн балаҕан ыйын 1 күнүгэр диэри туруоҕа.
Саха сирин Бырабыыталыстыбатын бэрэссэдээтэлэ Кирилл Бычков бэлиэтээбитинэн, быыстапка Саха сирин ускуустуба быыстапкатын устуоруйатыгар саамай далааһыннаах бырайыагынан буолар. Култуураҕа уонна духуобунай сайдыыга миниистирэ Афанасий Ноев быыстапка куорат олохтоохторугар уонна ыалдьыттарыгар интэриэһинэй буоларын бэлиэтээтэ. Айвазовскай  аан дойду үрдүнэн саамай күүстээҕинэн ааҕыллар нуучча флотун ойуулаабытын көрдөрөр диэн кини эбэн  эттэ.
Быыстапка Дьиэ кэргэн уонна Оҕо саас сылларыгар ананар. Бырайыак чэрчитинэн, интэриэһинэй тиэмэлээх экскурсиялар, маастар-кылаастар буолуохтара.
Санаттахха, СӨ Бырабыыталыстыбатын былааннаах үлэтинэн, 2023 сыллаахха Дьокуускайга нуучча улуу худуоһунньуга Иван Шишкин быыстапката уонна Эрмитаж күннэрэ буолбуттара. Бу киин куораттарга бара сатаабакка, ускуустуба улуу диэйэтэллэрин үлэлэрин көрөр кыаҕы биэрэр.

Recent Posts

  • Сонуннар
  • Уопсастыба

Элгээйи оскуолата 150 сылынан Кутанаҕа диэри сатыы хаамыыны тэрийдэ

П.Х.Староватов аатынан Элгээйи оскуолата быйыл 150 сыла. Бу саас "Пеший поход: родные просторы" барылынан Арассыыйатааҕы…

5 часов ago
  • Сонуннар
  • Чэгиэн

Элгээйи саҥа балыыһатыгар киирдэххэ, куоракка сылдьар курдук сананаҕын

Элгээйи олохтоохторо өр кэтэспит  саҥа таас  балыыһалара быйыл үлэҕэ киирбитэ. Балыыһа уон киһи сытан эмтэнэр…

6 часов ago
  • Быһылаан
  • Сонуннар
  • Уопсастыба

Түөкүттэр аны омук сириттэн массыына аҕалабыт диэн албастаннылар

ИДьМ Мииринэй оройуонунааҕы полиция салаатыгар  түөкүттэргэ албыннатан  1 140 000 солк. суйдаппыт 39 саастаах Айхал…

6 часов ago
  • Сонуннар
  • Сүбэһит

СҮБЭҺИТ: Лабыкта доруобуйаҕа туһалаах

Лабыктаны аска-үөлгэ кутан сиир, оргуйбут итии ууга көйөрөн иһэр туһалаах дииллэр... Тумуу, кириип, сөтөл ыарыыта…

7 часов ago
  • Байыаннай эпэрээссийэ

Кыайыы знамялаах баһылык

Василий Галузаны баһылыгынан талыы олохтоохтор байыаннай дьайыы кыттыылаахтарын өйүүллэрин туоһулуур. Кинилэр бүгүн лидердар, салайааччылар.  …

7 часов ago
  • Сонуннар
  • Сүрүн

Ититии 23 тыһыынча дьиэҕэ киирдэ

"ОДьКХ" ГУП  23 тыһыынча дьиэҕэ ититиини киллэрбит. Маны таһынан тыһыынчаттан тахса социальнай эбийиэктэр, олор истэригэр оскуолалар,…

8 часов ago