Хаартыска: СИА
Дьокуускайга инбэлиит уонна доруобуйаларынан хааччахтаах профессиональнай маастарыстыбаларыгар Х эрэгийиэннээҕи «Абилимпикс- 2025» чөмпүйэнээтэ түмүктэннэ.
Кыайыылаахтар өрөспүүбүлүкэ чиэһин Уһук Илин уокурук түһүлгэтигэр бэс ыйыгар билиһиннэриэхтэрэ. Бүтүн Арассыыйатааҕы чөмпүйэнээт алтынньы ыйга Москваҕа буолуоҕа. СӨ Бырабыыталыстыбатын Бэрэссэдээтэлин солбуйааччы Анатолий Семенов 10 сыл иһигэр куонкурус балачча кэҥээбитин, тэрээһин тупсубутун, сылтан сыл элбээн иһэрин бэлиэтээтэ. Быйыл чөмпүйэнээт 64 хайысханан буолла, оттон кыттааччылар ахсаана 367 киһи буолла диэн СИА суруйар.
Вице-премьер тэрийээччилэригэр чөмпүйэнээт хаачыстыбатын үрдүктүк сыаналаан махталын биллэрдэ. «Доруобуйаларынан хааччахтаах дьон эмиэ туора турбакка биһиги өрөспүүбүлүкэбит сайдыытыгар кыттар буолалларыттан олус үөрэбин. Финалга ситиһиилэри баҕарабын», — диэн кини эбэн эттэ. Үөрүүлээх бырааһынньыкка хас да категориянан кыайыылаахтары эҕэрдэлээтилэр.
Профессиональнай үөрэх тэрилтэлэрин ортолоругар инбэлииттэр Профессиональнай медико- социальнай реабилитациялыыр өрөспүүбүлүкэтээҕи тиэхиникумун интэринээт-дьиэтэ бастакы миэстэни ылла. Иккис миэстэ Дьокуускайдааҕы мэдиссиинэ кэллиэһигэр, оттон үсүһү — Сибээс уонна информационнай технология кэллиэһигэр тигистэ. Төрдүс миэстэни Дьокуускайдааҕы сервис уонна Жатайдааҕы тиэхиникумун икки ардыларыгар тэҥ баллы үллэһиннилэр. Бэһис миэстэни Хотугулуу- Илиҥҥи федеральнай университет инфраструктурнай технологияларын кэллиэһэ ылла.
Бүгүн, ахсынньы 17 күнүгэр, өрөспүүбүлүкэ хоту, илин, соҕуруулуу-арҕаа өттүгэр кыралаан хаардыаҕа. Киин, арҕаа улуустарга туманнаах,…
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…