Дьокуускайга Аҕа дойду Улуу сэриитин бэтэрээннэригэр Кыайыы 80 сылынан мэтээллэри туттардылар

Киин куорат Гагаринскай уокуругар СӨ Бырабыыталыстыбатын түмүк отчуотун кэмигэр бэтэрээннэргэ дойду Бэрэсидьиэнэ Владимир Путин «1941-1945 сс. Аҕа дойду Улуу сэриитигэр Кыайыы 80 сыла» үбүлүөйдээх мэтээллэрин туттардылар.

Аҕа дойду Улуу сэриитигэр Кыайыы 80 сылынан Бырабыыталыстыба бэрэссэдээтэлин солбуйааччы Кирилл Бычков үбүлүөйдээх мэтээллэри тыыл, үлэ бэтэрээннэригэр Галина Гецкоҕа уонна Галина Петроваҕа туттарда. Дьокуускай олохтоохторо бэтэрээннэри эҕэрдэлээтилэр.

Бырабыыталыстыба бэрэссэдээтэлин махтал суруктарын «Кыайыы Волонтердара» уопсастыбаннай түмсүү салайааччыта Антонина Титова, Дьокуускай куорат дьахталларын лигатын салайааччыта Татьяна Егорова, «Кыайыы Волонтердара» Бүтүн Арассыыйатааҕы уопсастыбаннай хамсааһын толорооччу дириэктэрэ Николай Романов ыллылар.

Кирилл Бычков пресс-подход кэмигэр Улуу Кыайыы 80 сыла саамай улахан суолталаах түгэнинэн биирдэстэрэ буоларын бэлиэтээтэ.

«Бу көннөрү тэрээһин эрэ буолбакка, бэтэрээннэри өйөөһүн буолар. Кинилэр быйыл бары төлөбүрдэрин туттулар: сэрии, тыыл бэтэрээннэрэ, сэрии оҕолоро уо.д.а.», — диэтэ Кирилл Бычков. Быйылгы бырааһынньыктар Саха сирин үрдүнэн араас таһымнаах буолуохтара. Дойдуга патриотизм сайдыытыгар тиһиктээх сыһыаны хааччыйар тэрээһиннэр былааннаналлар.