Дьокуускайга «Аҕа күрэҕэ» күрэх кыайыылаахтара билиннилэр

Киин куорат Октябрьскай уокуругуттан Беляевтар дьиэ кэргэттэрэ «Аҕа күрэҕэ» куораттааҕы күрэхтэһиилэр кыайыылаахтарынан буоллулар.

Беляевтар дьиэ кэргэттэрин аҕалара Владислав Иванович өрөспүүбүлүкэтээҕи успуорт оскуолатын физическэй култуураҕа бэлэмниир тириэньэрэ, уола Бувойсар Дьокуускайдааҕы национальнай гимназия 9 кылааһын үөрэнээччитэ.

Иккис миэстэни киин уокуруктан күрэхтэһии кыттыылаахтара Лебедевтар дьиэ кэргэттэрэ ыллылар. Аҕалара Александр Иванович — урбаанньыт, уоллара Алтан —  Алексеева аатынан ааптарскай оскуола 8 кылааһын үөрэнээччитэ.

Үһүс миэстэни Хатастан Окороковтар дьиэ кэргэттэрэ Михаил Спартакович уонна Айуол  ыллылар.

Дьокуускай куорат чиэһин үгэскэ кубулуйбут өрөспүүбүлүкэтээҕи «Аҕа күрэҕэ» күрэхтэһиигэ 1 уонна 2 миэстэлээх хамаандалар көмүскүөхтэрэ.

Күрэхтэһии хас да түһүмэхтээх ыытылынна: дьиэ кэргэн устуоруйатын кэпсээһин, бэрэбинэлэри эрбээһин, ойбон алларыыта, остуолбаҕа ыттыы, чэй өрүү уонна хайыһарынан сүүрүү.

Дьокуускай куорат дьаһалтатын пресс-сулууспата