Дьокуускайга аҕам саастаах дьахтар эр киһини быһаҕынан эчэппит

ИДьМ сулууспатын Дьокуускай куорат 2 №-дээх полициятын отделыгар эр киһи быһаҕынан эчэйэн киирбитин туһунан мэдиссиинэ биир тэрилтэтиттэн иһитиннэрии киирбит.

ИДьМ пресс-сулууспатын иһитиннэриитинэн, холуобунай ирдэбил үлэһиттэрэ силиэстийэ кэмигэр, эр киһини эчэтиигэ уорбаланар дьахтары туппуттар. Буруйу оҥорооччу 66 саастаах дьахтар буолара биллибит.

Силиэстийэ быһаарыытынан, эр киһи иирсээн кэмигэр бааһырбыта быһаарылынна. Ол курдук, уорбаланааччы дьахтар хаһаайыстыбатыгар көмөлөһөргө көрдөһөрдүү уолугар ыалдьыттыы тиийбит. Ити кэмҥэ уол дьиэтигэр доҕорун кытта итирик туруктаах көрсүбүт. Дьахтар ыалдьыты уһугуннарбыт эрээри, эр киһи дьахтары уолуктаабыт. Иирсээн кэмигэр дьахтар эр киһини быһаҕынан хас да төгүл анньыбыт. Холуобунай дьыала тэрилиннэ.