Хаартыска: СӨ Үлэҕэ уонна социальнай сайдыыга министиэристибэтэ.
Лааҕыр кыттыылаахтара 55-тэн 91-гэр диэри саастаах араас идэлээх, интэриэстээх дьон буолаллар.
Дьокуускайдааҕы кадеттар оскуола-интэринээттэригэр аҕа көлүөнэ дьоҥҥо анаан «Туймаада күүһэ» диэн ааттаах смена аһылынна. «Үрүҥ көмүс сынньалаҥнарга» өрөспүүбүлүкэ 22 улууһуттан, ону тэҥэ Дьокуускайтан 55-тэн 91-гэр диэри саастаах 110 биэнсийэлээх дьон кэллилэр. Бу туһунан СӨ Үлэ уонна социальнай сайдыы министиэристибэтэ иһитиннэрдэ.
Миниистир Елена Волкова этэринэн, лааҕыр кыттыылаахтарыгар баай уонна интэриэһинэй бырагыраама оҥоһулунна. “Манна эһиги сынньана эрэ буолбакка, билсэн-кэпсэтэн, саҥа эргимтэни булан, айар кыаххытын олоххо киллэриэххитин сөп. Эһиги бэйэҕитигэр эрэлгит уонна көхтөөх олоҕу тута сылдьаргыт холобур буолар”, — диэтэ биэдэмистибэ салайааччыта сменаны арыйарыгар.
«Туймаада күүһэ» смена бырагырааматыгар бэйэ-бэйэни билсиһэр дьарыктар, оптуобуһунан экскурсиялар, интэриэскинэн дьарыктар, спортивнай күрэхтэһиилэр, ССРС тематическай күнэ уонна да атын тэрээһиннэр киирэллэр.
«Маннык лааҕыр аһаллара олус үчүгэй санаа, тоҕо диэтэххэ, киһи кырдьар сааһыгар дьону кытта кэпсэтииҥ тиийбэт; кэпсэппэт-сэлэспэт буоллахха, кырдьыы түргэнник кэлэр. Билигин аныгы үйэҕэ киһи үчүгэйдик сааһырыахтаах. Мин лааҕыртан үчүгэйи эрэ күүтэбин», — диир 80 саастаах Федот Максимов.
«Үрүҥ көмүс сынньалаҥнар» тэрийээччилэринэн СӨ Үлэ уонна социальнай сайдыы министиэристибэтэ уонна “Үһүс саас оскуолата” буолаллар.
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…
Амма улууһун ИДьМ отделениетын үлэһиттэрэ үгэс быһыытынан «Полицейский Дед Мороз» диэн Бүтүн Арассыыйатааҕы аахсыйаҕа кыттыстылар.…
Үөһээ Бүлүү улууһугар 2025 сылга байыаннай дьайыы кыттыылаахтарыгар уонна кинилэр дьиэ кэргэттэригэр көмө оҥоруу бүттүүн…
Ньурба улууһун Чуукаар сэлиэнньэтигэр сүппүт 1955 с.т. дьахтары быыһааччылар уонна олохтоохтор көрдүүллэр, диэн Саха сиринээҕи…
В. П. Ларионов аатынан физика-тиэхиньикэ лиссиэйин саха тылын, литэрэтиирэтин учуутала, СӨ үөрэҕин туйгуна, “Саха тылын, литэрэтиирэтин бастыҥ…