Хаартыска: www.sakha.gov.ru саайтан.
Ахсынньы 1 күнүттэн Дьокуускайга “Аҕам — урбаанньыт” бырагыраама үлэлээтэ. Бырагыраама көхтөөх, тус дьыала арыныан эбэтэр сайыннарыан баҕарар аҕалары түмтэ. “Мин биисинэһим” киин баазатыгар үлэтин саҕалаата итиэннэ сокуоннай саастарын туола илик оҕолору иитэр, урбаан эйгэтигэр ирдэнэр билиини ыларга дьулуһар аҕаларга туһаайыллар.
Бырагыраамаҕа Горнай, Чурапчы, Нам, Нерюнгри улуустарыттан уонна Дьокуускай куораттан кытталлар. Кинилэр биэс күн устата урбаан үлэтин сүрүн өттүгэр үөрэтэр курууһу ааһыахтара, эспиэртэртэн сүбэ-ама ылыахтара, ситиһиилээх урбаанньыттары кытта көрсөн уопут ылыахтара. Бырайыак түмүгэр бэйэлэрин биисинэскэ идиэйэлэрин үллэстиэхтэрэ, оттон саамай кэскиллээх бырайыак ааптарыгар бэйэтин дьыалатын сайыннарарыгар 150 тыһ. солк. суумалаах граны туттарыахтара.
“Биһиги бырагыраамабыт сүрүн соруга — бэйэтин биисинэһин тэриниэн, чугас дьонун хааччыйыан баҕарар көхтөөх дьону өйөөһүн буолар. Бырагыраама урбаан сатабылыгар бастакы кыаҕы биэрэр” – диэн “Мин биисинэһим” киин генеральнай дириэктэрин солбуйааччы Евдокия Ефимова этэр.
Бу туһунан Ил Дархан уонна Бырабыыталыстыба пресс-сулууспата суруйар.
Туһааннаах докумуоҥҥа РФ Бэрэсидьиэнэ Владимир Путин илии баттаата, быраабы иһитиннэрэр официальнай порталга таҕыста. 2026 сылтан…
Сэтинньи 24 күнэ. Ил Дархан Дьокуускайга 2-с №-дээх куораттааҕы балыыһа SMART-поликлиникатын үөрүүлээхтик арыйыы тэрээһинигэр кытынна.…
Бу сыл бүтэһик үлэ нэдиэлэтэ баара-суоҕа икки күннээх буолуоҕа. Арассыыйа олохтоохторо ахсынньы 29 уонна 30…
ИДьМ сулууспатын 4 №-дээх полициятын отделын дьуһуурунай чааһыгар эр киһи ноутбуктаах суумкатын биллибэт киһи уоран…
Арассыыйаҕа ахсынньы 1 күнүттэн тас дойдуттан киллэриллэр тимир көлөҕө утилизационнай хомууру ааҕар саҥа быраабылалар күүстэригэр…
Сыл саҕаланыаҕыттан Саха сиригэр байыаннай дьайыы 96 кыттыылааҕа уонна 182 кинилэр дьиэ кэргэттэрин чилиэнэ үлэнэн…