Дьокуускайга ахсынньы бүтүөр диэри «Сулус» түөлбэҕэ сабыылаах муус катога тутуллуоҕа

Саха сирин Бырабыыталыстыбатын бастакы вице-премьерэ Дмитрий Садовников «Звезднай» түөлбэҕэ тутуу хаамыытын кытта билистэ. Бу туһунан СӨ Ил Дарханын уонна Бырабыыталыстыбатын пресс-сулууспатыгар иһитиннэрдилэр.

Оробуочай сырыы кэмигэр ураты болҕомто «Воинская часть» кыбаарталга суолу тутууга уурулунна. Итини таһынан, бастакы вице-премьер сабыылаах муус катогун эбийиэгин тутууну көрдө. Бу кэмҥэ каток эркиннэрин туруораллар, эбийиэги уу, канализация уонна ититии ситиминэринэн хааччыйаллар. 5 тыһ. кв.м. иэннээх каток иһинэн хоккейнай корт, керлиҥҥэ аналлаах саала, успуорт саалата уонна мэдииссинэ хоһо үлэҕэ киириэҕэ. Тутуу «Демография» национальнай бырайыак чэрчитинэн ыытыллар. «Звезднай» түөлбэҕэ А секторы тутуу салҕанан барар (7 дьиэ). Манна өссө 990 миэстэлээх оскуола уонна поликлиника дьиэлэрэ баар буолуохтаах.

Генеральнай бэдэрээтчит — «АЭБ Капитал» ХЭУо. Саҥа успуорт эбийиэгэ «Демография» национальнай бырайыак  «Успуорт — олох нуормата» федеральнай бырайыагын чэрчитинэн тутуллар.