Хаартыска: k-artina.ru
Бэс ыйыгар Национальнай ойуулуур-дьүһүннүүр түмэлгэ худуоһунньук Иван Айвазовскай уонна да атын маринист-худуоһунньуктар быыстапкаларын көрдөрүүгэ туруоруоҕа. Быыстапка Судаарыстыбаннай Нуучча түмэлин пуондатыттан кэлэн, бэс ыйын 2 күнүттэн балаҕан ыйын 1 күнүгэр диэри туруоҕа диэн «Аргументы и факты» суруйар.
— Биһиги быйыл сайыҥҥы биир улахан бырайыакпытынан нуучча улуу худуоһунньуга Иван Айвазовскай быыстапкатын Дьокуускайга туруоруу буолар. Быыстапкаҕа барыта 30 хартыына — Айвазовскай 19 хартыыната уонна XIX үйэ маринистарын (муораны уруһуйдуур худуоһунньуктар) 11 хартыыналара көрдөрүүгэ туруохтара. Бу 29 хартыына Судаарыстыбаннай Нуучча түмэлин пуондатыттан аҕалыллар, — диэн түмэл генеральнай дириэктэрин солбуйааччы Юлия Кравцова кэпсээтэ.
Бу быыстапканы аҕалар туһунан кэпсэтии эрдэттэн барбыта. Ил Дархан Айсен Николаев олунньуга Национальнай ойуулуур-дьүһүннүүр түмэл генеральнай дириэктэрэ Влада Тимофееваны кытта көрсөрүгэр Айвазовскай быыстапкатын аҕалыы, тиэйии ымпыктарын, улахан бырайыактар тустарынан кэпсэппиттэрэ.
— Биһиги маннык улахан хартыыналары аан бастаан аҕалабыт. Маннык хартыыналары сөмөлүөтүнэн аҕалыллыбат, сиринэн өр соҕус айаннаан кэлэллэр. Маннык бырайыакка элбэх киһи үлэлиир, тиэйиитэ-таһыыта, харайыыта сыраны, сэрэхтээх буолууну эрэйэр, — диэн Влада Тимофеева этэр.
Быыстапка Дьиэ кэргэн уонна Оҕо саас сылларыгар ананар. Бырайыак чэрчитинэн, интэриэһинэй тиэмэлээх экскурсиялар, маастар-кылаастар буолуохтара.
СӨ бырабыыталыстыбатын былааннаах үлэтинэн, 2023 сыллаахха Дьокуускайга нуучча улуу худуоһунньуга Иван Шишкин быыстапката уонна Эрмитаж күннэрэ буолбуттара. Бу киин куораттарга бара сатаабакка, ускуустуба улуу диэйэтэллэрин үлэлэрин көрөр кыаҕы биэрэр.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…