Дьокуускайга А.С. Пушкин аатынан Нуучча тыйаатырыгар Сергей Прачев «Солнце Земли Православной» диэн поэтическай сэһэнинэн «Александр Невский» испэктээк премьератыгар бэлэмнэнэллэр.
Тыйаатыр Арассыыйа Култууратын министиэристибэтин өйөбүлүнэн «Русские сезоны» АКО биллэрбит Бүтүн Арассыыйатааҕы куонкуруһугар кыайан, киэҥ далааһыннаах туруорууга үбү-харчыны ылбыт. Режиссер Андрей Габышев бэлиэтииринэн, кэлэктиипкэ улуу сибэтиэй дьылҕатыгар эргиллэр — улахан чиэс.
Дьокуускайдааҕы епархия өйөөбүт испэктээгэ кыргыһыы сыаналарынан байытыллыбыт, ол иһин орто үйэлэрдээҕи холобурдаах чэпчэтиллибит сыана сэбэ-сэбиргэлэ атыылаһыллыбыт. Көстүүмнэри оҥорор худуоһунньук Евдокия Сотникова 80-тан тахса көстүүмү айбыт, олор истэригэр илиинэн оһуордаммыт славянныы таҥастар, дьиҥнээх таҥастан тигиллибит монгуол көстүүмнэрэ, ону таһынан чэпчэтиллибит куйахтар бааллар. Декоратордар Былыргы Русь эйгэтин саҥаттан оҥорон, храм фрескаларын үтүгүннэрэр бөдөҥ декорациялары оҥорбуттар.
Испэктээккэ Александр Невскай православиены көмүскүүр уонна Европа экспансиятын тохтотор анала көстөр. Бу — киһи күүһүн, кини духуобунай аналын уонна дьоруой дьылҕатын туһунан толкуй. Премьерата сэтинньи 7, 8 уонна 9 күннэригэр буолуоҕа. Саҕаланар кэмэ — 18:00 чааска. Испэктээк уһуна – 1 чаас 15 мүнүүтэ
2026 сыл Уот кыһыл ат сыла буоларынан уонна улууспутугар ыытыллар Олонхо сылынан Сииттэ олохтоохторугар ураты,…
Бүгүн Үөһээ Бүлүүттэн ааҕааччыбыт, элбэх ырыа куонкуруһун кыайыылааҕа, ырыаһыт Ариан Федоров үүнэр 2026 сылы көрсө…
Саҥа дьыл кэнниттэн сорохторго өссө биир уоппуска кэмэ наадатын курдук буолар. Тоҕо диэтэххэ, урукку тэтимнэригэр…
Аҕыйах оҕону бэлэмнээн, хаар түспүтүн кэннэ сыарҕалаах ат булан, пиэримэҕэ кэнсиэрдии барабыт. Миигин бэлэмнээн биллэрээччи…
Күндү Саха сирин олохтоохторо! Эһигини үүнэн эрэр Саҥа 2026 сылынан уонна Ороһуоспанан Саха Өрөспүүбүлүкэтин Ил…
Илиҥҥи халандаар этэринэн, хас биирдии сыл гороскопка баар 12 кыыл салалтатынан ааһар. Үүнүөхтээх 2026 сыл…