“Алеша” тааҥка экипаһыгар анаммыт буокса турнира ыытыллыаҕа

Муус устар 24-27 күннэригэр Дьокуускайга  9 №-дээх оҕо спортивнай оскуолатыгар “Алеша” тааҥка экипаһыгар анаммыт буокса турнира ыытыллыаҕа. Күрэхтэһии маны тэҥэ Улуу Кыайыы 80 сылыгар ананар.

Күрэхтэһиигэ  2015-2016 с.т., 2013-2014 с.т., 2011-2012 с.т. уонна 2009-2010 с.т. эдэр боксердар кыттыахтара.

Муус устар 25 күнүгэр бастааҥы киирсиилэр уонна турнир үөрүүлээх аһыллыыта буолуоҕа. Субуотаҕа финал аҥардааҕы итиэннэ өрөбүлгэ финальнай киирсиилэр ыытыллыахтара диэн иһитиннэрэр Sportyakutia.ru.