Хаартыска: М.Васильева (СИА)
Бүгүн, балаҕан ыйын 18 күнүгэр, Дьокуускайга Арассыыйа Дьоруойа Николай Евдокимов кэллэ. Өрөспүүбүлүкэ Ил Дархана Айсен Николаев кинини үөрүүлээх быһыыга-майгыга көрсүүгэ балтараа мөлүйүөн солкуобайдаах харчынан сэртипикээти туттарда.
«Биһиги Николай Евдокимов байыаннай дьайыыга хорсун уонна бэйэтин харыстаммат быһыытын дойдубут сөптөөхтүк сыаналаабытынан киэн туттабыт. Кини бойобуой доҕорун быыһыыр туһугар оҥорбут дьоруойдуу быһыыта барыбытыгар холобур буолар. Биһиги Дьоруойбут Саха сирин олохтоохторун, биир дойдулаахтарын өйөбүллэрэ саамай ыарахан тургутууну кыайарга көмөлөспүттэрин туһунан этэр. Арассыыйа Дьоруойун аата – үрдүк чиэс-бочуот эрэ буолбатах, улахан эппиэтинэс. Николай Евдокимов бэйэтин аатын Арассыыйа уонна Саха сирин летопиһыгар киллэрэн, биһиги кыайыылаах аармыйабыт албан ааттаах үгэстэрин чиэстээхтик салгыыр. Кини хорсун быһыыта – Саха сиригэр барытыгар киэн туттуу уонна үүнэр көлүөнэҕэ патриотизм холобура”, — диэн Айсен Николаев бэлиэтээн эттэ.
Николай Евдокимов Мииринэй улууһун Удачнай куоратыгар үлэлии сылдьан ыҥырыллыбыта. Кини Саха сиригэр 9 сыл олорбута, билигин дьиэ кэргэнин барытын көһөрөн аҕаларга былааннанар.
«Бу улахан саалаҕа киириим миэхэ улахан чиэс. Эһиги оҥорор көмөҕүтүгэр махталбын биллэрэрбин көҥүллээҥ. Бу байыаннай дьайыы зоналарыгар сылдьар уолаттарга олус улахан суолталаах. Эһиги көмөҕүт кинилэри олус өйүүр, эрэли уонна күүһү-уоҕу биэрэр. Биһиги хас биирдиибит ардыгар олус кутталлаах бойобуой сорудахтары толорор. Төрөөбүт дойдуга таптал, бэйэ чиэһин билинии ону быһаарарга көмөлөһөр”, — диэтэ Арассыыйа Дьоруойа.
«Маннык түгэннэр патриотизм уонна дойдуга сулууспалааһын суолтатын бигэргэтэллэр. Николай Владимирович биһиги дойдубутугар куттал суох буоларыгар кылаата тугунан да сыаналаммат. Кини холобура дойдубут олоҕун тупсарарга уонна аан дойдуга биһиги дойдубут көрүүтүн бөҕөргөтөргө өссө күүскэ үлэлииргэ көҕүлүүр”, — диэн Саха сирин парламенын вице-спикерэ Афанасий Владимиров эттэ.
Санатан эттэххэ, РФ Дьоруойун “Кыһыл көмүс сулуһун” Николай Евдокимовка бэс ыйын 12 күнүгэр РФ оборонаҕа миниистирэ Андрей Белоусов туттарбыта. Судаарыстыба үрдүкү наҕараадатын Саха сирин 9 олохтооҕо: Игорь Юргин, Николай Соболев, Александр Колесов, Филипп Евсеев, Алексей Неустроев, Дмитрий Егоров, Родимир Максимов, Дмитрий Куценко уонна Николай Евдокимов ыллылар.
«Аҕа дойдуну көмүскээччилэр» пуонда көмөтүнэн, байыаннай эпэрээссийэ бэтэрээннэрэ оҕолору уонна ыччаты патриотическай иитиигэ көхтөөхтүк кытталлар.…
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …
Муниципальнай тэриллиилэр бэрэстэбиитэллээх уорганнарын дьокутааттарын сийиэһин чэрчитинэн тыа хаһаайыстыбатын, Арктика түөлбэтин, экологияны, хомунаалынай хаһаайыстыбаны судаарыстыбаннай…
Төрөөбүт тылынан Арассыыйаҕа бастакы эрэгийиэннээҕи мобильнай сыһыарыы үлэҕэ киирдэ. "Айар" кинигэ кыһата эһиэхэ, ааҕааччыларыгар, үөрүлээх…