Дьокуускайга Арассыыйа Дьоруойун Андрей Григорьевы көрүстүлэр

Бүгүн, олунньу 27 күнүгэр, Дьокуускай аэропордугар Арассыыйа Дьоруойун үрдүк аатын ылан кэлбит Андрей Григорьевы үөрэ көрүстүлэр. Дьоруойу чугас дьоно, кадеттар, юнармеецтар, уопсастыбаннай тэриллиилэр актыбыыстара уонна СӨ бырабыыталыстыбатын чилиэннэрэ эҕэрдэлээтилэр. Бу туһунан СӨ Ил Дарханын уонна Бырабыыталыстыбатын дьаһалтатын пресс-сулууспата иһитиннэрэр.

«Арассыыйа Бэрэсидьиэнэ Владимир Путин илиититтэн Арассыыйа Дьоруойун «Кыһыл көмүс сулуһун» тутар олус долгутуулаах этэ. Бүгүн дьиэ кэргэммин кытта көрсөн үөрдүм. Салгыы үлэлииргэ-хамныырга бэлэммин», — диэн кини кэпсиир.

Бу үрдүк аат иҥэриллэн, Андрей Григорьев Саха сирэ уонна Арассыыйа кинини билэриттэн уонна киэн туттарыттан эппиэтинэс сүгэрин бэлиэтээн этэр.

«Андрей Григорьев хорсун быһыыта эр санааланыы, дьулуур уонна дойдуга бэриниилээх буолуу холобурунан буолла. Кини Саха сирин аатырдан, дойдубут бөҕө буолуутун бэлиэтинэн буолла», — диэн СӨ баһылыга Айсен Николаев бэлиэтиир.