Хаартыска: Андрей Сорокин, СИА
Дьокуускай аэропордугар Арассыыйа Дьоруойун Саха сирин Бырабыыталыстыбатын бэрэссэдээтэлин солбуйааччы Георгий Степанов көрүстэ. Байыаннай сулууспалаах уоппускаҕа кэллэ.
Георгий Степанов Николай Соболевы Дьокуускайга кэлбитинэн эҕэрдэлээтэ. Кини Саха сиригэр Арассыыйа Дьоруойдарын ахсаана элбиирин бэлиэтээтэ.
«Бу Сахабыт сирин элбэх национальностаах дойдубут эрэллээх форпуоһа буоларын көрдөрөр. Бүгүн Сахабыт сирэ Арассыыйа Дьоруойун Николай Соболевы, саамай үрдүк наҕараадалаах эдэр байыаспытын, көрсөр. Кини анал байыаннай дьайыы саҕаланыаҕыттан фашизмы утары охсуһууга инник күөҥҥэ сылдьар. Николай биһиги ыччаппыт тэннэһиэхтээх эр санааланыы, патриотизм уонна ийэ дойдуга таптал холобура буолар», — диэн вице-премьер бэлиэтээтэ.
«Дьиэбэр көтөн кэлбиппиттэн олус үөрэбин. Маннык көрсүһүүнү тэрийбиккититтэн олус үөрдүм уонна кыратык соһуйдум. Дойдубар уоппускаҕа 10 чыыһылаҕа диэри сылдьыам, онтон төттөрү барыам», — диэтэ Арассыыйа Дьоруойа Николай Соболев.
Арассыыйа Дьоруойун аҕата, саппааска подполковник Сергей Соболев эмиэ олус үөрэр.
«Наһаа да күүппүтүм, бэл, Москваҕа көтөөрү гыммытым да, кыаллыбатаҕа. Онтум бэйэтэ көтөн кэллэ. Түүн үөһүн саҕана утуйбатым даҕаны, олус үөрэбин. Николай 2022 сыл бэс ыйыгар анал байыаннай дьайыы хонуутугар рота хамандыырынан анаммыта, оттон бүгүн батальон хамандыырыгар тиийэ улааппыта. Икки сыл иһигэр хапытаантан майорга тиийэ үүммүтэ, «Эр санааланыы” икки уордьаннаах, «Хорсунун иһин» мэтээллээх уонна Арассыыйа Дьоруойуон аатын ылбыта. Олус диэн киэн туттабын. Эдэр ыччакка үөрэнэллэригэр, эт-хаан өттүнэн сайдалларыгар сүбэлиибин, табаҕы иһимэҥ, төрөөбүт дойдугутун таптааҥ», — диэтэ Сергей Соболев.
Санатан эттэххэ, бу иннинэ Ил Дархан Айсен Николаев Арассыыйа Дьоруойун Николай Соболевы дойду үрдүк наҕараадатынан Москваҕа РФ Бэрэсидьиэнин иһинэн Саха сиринээҕи бастайааннай бэрэстэбиитэлистибэтигэр көрсүһүү кэмигэр эҕэрдэлээбитэ.
СӨ Ил Дарханын уонна Бырабыыталыстыбатын пресс-сулууспата
Казахстаан Өрөспүүбүлүкэтигэр Саха сирин күннэригэр саха норуотун ускуустубатын уонна култууратын көрдөрөр “Сокровище Якутии» быыстапка киэҥ…
Сааскы халаантан бу күннэргэ Нам уонна Өлүөхүмэ улууһун олохтоохторо эмсэҕэлээтилэр. Сулустан Заболоцкай, баартыйа эрэгийиэннээҕи салаатын…
Таатта улууһугар Ытык Күөлгэ быйыл аҕам саастаахтар хордарын тэриммиттэрэ 20 сылын туолла. Таатта норуодунай тыйаатырыгар…
Бүгүн, ыам ыйын 19 күнүгэр, суһал иһитиннэриинэн 14:00 ч. Өлүөнэ өрүс мууһа Кэбээйи, Нам уонна…
Иннокентий Пухов төрөөбүтэ 120 сылыгар Биллиилээх фольклорист Иннокентий Васильевич Пухов быйыл кулун тутар 12…
Саха сирэ “Дьоҕус уонна орто биисинэс уонна урбаанньыт тус көҕүлээһинин өйөөһүн” национальнай бырайыакка 2019 сылтан…