Хаартыска: sakha.gov.ru
Дьокуускай аэропуортугар өрөгөйдөөх быһыыга-майгыга Родимир Максимовы көрүстүлэр. Дьоруой дойдутугар кылгас уоппускаҕа кэлбит. Родимир байыаннай дьайыы кэмигэр Саха сириттэн үрдүк наҕарааданы ылбыт ахсыс киһинэн буолар, диэн иһитиннэрэр Ил Дархан, Бырабыыталыстыба пресс-сулууспата.
Арассыыйа Дьоруойун Ил Дархан, Бырабыыталыстыба дьаһалтатын салайааччыта Георгий Михайлов, “Биир ньыгыл Арассыыйа” баартыйа эрэгийиэннээҕи ситэриилээх кэмитиэтин салайааччыта Сулустаан Заболоцкай, Таатта улууһун баһылыга Айаал Бурцев, кадеттар, “Эдэр гвардия” бэрэстэбиитэллэрэ, Дьоруой чугас дьоно көрүстүлэр.
Георгий Михайлов Саха сирэ барыта Родимир Максимов хорсун быһыытынан киэн туттарын эттэ. Сулустаан Заболоцкай кини эдэр ыччакка холобур буоларын, Родимир бу үрдүк ааты чиэстээхтик илдьэ сылдьарыгар эрэнэрин биллэрдэ. Айаал Бурцев, Дьоруойу дойдутугар оскуола оҕолоро кэтэһэллэрин иһитиннэрдэ.
Родимир Максимов төрөөбүт дойдутугар кэлэн, чугас дьонун көрсүбүтүттэн олус үөрэрин эттэ.
“Арассыыйа Дьоруойун аатын иҥэрбиттэрин истэн олус долгуйбутум. Соторутааҕыта Оборуона миниистирэ Андрей Белоусов наҕарааданы туттарда. Мин этэрээтим олус уустук бойобуой сорудахтары толорор. Онно дьиҥнээх эр дьоннор сулууспалыыллар, хорсуннук Ийэ дойдуларын көмүскүүллэр, туруоруллубут соруктары толороллор”, — диэтэ кини.
“Восток” бөлөх чилиэнэ Родимир Максимов Новомихайловка (Марьиннааҕы хайысха) оройуонугар сэриилэһэ сылдьан хорсун быһыыны оҥорбута. Кини подразделениета ВСУ тирэх пуунун сэриилээбитэ. Хамандыыра бааһырбытын кэннэ, саха байыаһа хамаандыыр оруолун бэйэтигэр ылбыта. Икки суукка устата өстөөх түөрт атаакатын тохтоппуттара. Родимир бэйэтэ 27 боевигы суох гыммыта, бааһырбыта, сэриилэрин сэбэ бүтэн эрдэҕинэ миинэлээх хонууну этэҥҥэ туораан, бэйэтин дьонугар тиийэн көмө ыыттарбыта. Кини булгуруйбат эр санаалаах буолан, штурмалыыр бөлөх бойобуой соругу толорбута уонна ылбыт миэстэтин тутан хаалларбыта.
Сунтаар улууһугар Кириэстээххэ 528 нүөмэрдээх быыбардыыр учаастак 8.00 ч. үлэтин саҕалаабыта. Хамыыһыйа бэрэссэдээтэлэ Федот Усов.…
Аан дойду үгүс дойдуларын киин куораттарыгар “нулевой килэмиэтир” диэн анал бэлиэ баар буолар. Үксүн маннык…
1632 сыллаахха Енисей сотнига Петр Бекетов Москваҕа челобитнай суругу ыыппыт: ««Того ж году сентября в…
Бүгүн, балаҕан ыйын 14 күнүгэр, Мииринэйгэ, Ленскэйгэ, Өлүөнэ аллараа тардыытынан ардыаҕа, хайалаах сиргэ, хоту инчэҕэй…
Бүгүн, балаҕан ыйын 14 күнүгэр, Саха сиригэр 8 чаастан Арассыыйа Өрөгөйүн ырыатынан куоластааһын ыытыллар быыбардыыр…
Бүгүн - өрөбүл, онон сынньалаҥҥа, чугас дьону кытта алтыһыыга уонна кэлэр нэдиэлэни былааннааһыҥҥа тоҕоостоох кэм.…