Дьокуускайга Арассыыйа Өрөгөй ырыатын хор толордо

Бүгүн, атырдьах ыйын 22 күнүгэр – Арассыыйа былааҕын күнүгэр, Дьокуускай куорат Ленин болуоссатыгар Д.К. Сивцев-Суорун Омоллоон аатынан Опера уонна балет тыйаатырын хора духовой оркестр доҕуһуоллаах дойду Өрөгөй ырыатын толордо.

Бу туһунан СИА иһитиннэрэр.

Өрөгөй ырыатын Г.М. Кривошапко аатынан өрөспүүбүлүкэтээҕи филармония Lena River Brass оркестра доҕуһуоллаата.

«Биһиги, бүгүҥҥү, Арассыыйа судаарыстыбаннай былааҕын күнүгэр кыттыбыппытыттан олус үөрэбит. СӨ култууратын туйгуна, дирижер Павел Васьковскай салайыытынан биһиги хорбут 52 артыыһа Арассыыйа өрөгөй ырыатын толордо. Арассыыйа хас биирдии олохтооҕо, кыра оҕотуттан аарыма кырдьаҕаһыгар тиийэ, дойдутун өрөгөй ырыатын билиэхтээх», – диэн Опера уонна балет тыйаатырын кылаабынай хомейстера Октябрина Птицына санаатын үллэһиннэ.