Дьокуускайга Арассыыйа күнүгэр автопробег тэрийдилэр

Бүгүн Саха сирин киин куоратыгар Арассыыйа уонна «Биир ньыгыл Арассыыйа» баартыйа былаахтардаах автопробег аахсыйата ыытылынна.

«Под флагом России» диэн автопробегы «Биир ньыгыл Арассыыйа» баартыйа Саха сиринээҕи отделениета тэрийдэ. Дойдубут биир сомоҕо буолуу, киэн туттуу бэлиэтинэн аахсыйа үгэскэ кубулуйан хас сылын аайы ыытыллар.

«Бүгүн дойду үрдүнэн биир саамай сүрүн судаарыстыбаннай бырааһынньыгы бэлиэтиибит. «Биир ньыгыл Арассыыйа» баартыйа Бүтүн Арассыыйатааҕы аахсыйаҕа кыттыһар. Арассыыйа триколордара Дьокуускай куорат уулуссаларынан аастылар», — диэн «Биир ньыгыл Арассыыйа» баартыйа эрэгийиэннээҕи кэмитиэтин салайааччытын эбээһинэһин толорооччу Надежда Селютина бэлиэтээтэ, диэн «Биир ньыгыл Арассыыйа» баартыйа эрэгийиэннээҕи пресс-сулууспата иһитиннэрэр.