Дьокуускайга Арассыыйа күнүгэр оһуохай ыытыллыаҕа

Дьокуускай куоракка бэс ыйын 12 күнүгэр киэһэ 17:00 чаастан Доҕордоһуу болуоссатыгар Арассыыйа күнүгэр бырааһынньыктааҕы оһуохай ыытыллыаҕа.

Бырааһынньык күн Орджоникидзе болуоссакка күнүс 13:00 чаастан «Россия — это мы!» тэрээһин буолуоҕа. Ону сэргэ болуоссакка XV өрөспүүбүлүкэтээҕи бэстибээл чэрчитинэн хаһаах уонна дьаамсык ырыаларын куонкуруһа ыытыллыаҕа. Култуура уонна сынньалаҥ киин пааркатыгар сүрүн сыанаҕа киэһэ 19.00-22.00 чаастан «Я люблю тебя, Россия!» кэнсиэр тэриллиэҕэ.

Арассыыйа күнүгэр анаммыт бырааһынньыктааҕы бырагырааматын кытта сиһилии манна билсиэххэ сөп.