Хаартыска: SakhaGov
Муус устар 12-18 күннэригэр 79 эрэгийиэнтэн 290 үөрэнээччи уонна кинилэри арыаллыыр 128 киһи Дьокуускайга кэлэн, физкултуураҕа Бүтүн Арассыыйатааҕы олимпиада түмүктүүр түһүмэҕэр кыттыахтара. Бу туһунан Наука аччыгый академиятын ректора Василий Павлов быһа эпииргэ кэпсээтэ.
Саамай улахан хамаанда Москваттан муус устар 4 күнүгэр номнуо кэлэр — 59 кыттааччы уонна 15 арыаллааччы.
Саха сириттэн олимпиадаҕа 8 кыттааччы баар, кинилэр эрэгийиэннээҕи түһүмэххэ 91,12 баалтан намыһаҕа суох баалы ылан, кыттар чиэскэ тиксибиттэрэ.
— Бу тэрээһин судаарыстыбаннай таһымнаах, онон үрдүк таһымҥа ыытыллыахтаах. Онон хас күн аайы биһиги күүскэ үлэлиибит. Саха сиригэр «Азия оҕолоро» оонньуу кэмигэр суһал «ситуационнай» ыстаап тэриллэн үлэлээбитэ. Бу ыстаап эмиэ үлэлээн эрэр, — диэн ректор кэпсээтэ.
Үөрэнээччилэр Бүтүн Арассыыйатааҕы олимпиадалара 24 биридимиэккэ буолар. Саха сирин үөрэнээччилэрэ 22 биридимиэккэ кытталлар. Бу олимпиада кыайыылаахтара уонна бириистээх миэстэни ылбыт оҕолор талбыт үөрэхтэригэр эксээмэни туттарбакка киирэллэр. Оттон кыттааччылар үрдүк үөрэххэ туттарсалларыгар эбии бааллары ылаллар. Бу чэпчэтиини ылар быраап түөрт сыл иһигэр үлэлиир.
Ил Дархан, бырабыыталыстыба пресс-сулууспата.
Бүгүн Дьокуускайга «Патриот» ыччат киинин үөрүүлээх аһыллыыта буолан ааста. Бу аныгы кэм ыччатын сайдар, үүнэр,…
Бүгүн Саха сиригэр бастакы Уһук Илиҥҥэ биир бөдөҥ элбэх функциялаах «Патриот» ыччат киинэ үөрүүлээх быһыыга-майгыга…
Бүгүн Саха сиригэр бастакы элбэх функциялаах «Патриот» ыччат киинэ аһылынна. Бу киин Уһук Илиҥҥэ биир…
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников ыксаллаах быһыыга-майыга түбэспит дьону көрдүүр-быыһыыр үлэлэр статистикаларын туһунан…
Норуодунай фронт эрэгийиэннээҕи салаатын үлэһитэ Дмитрий Паньков этэринэн, Арассыыйа Бэрэсидьиэнэ ыыппыт быһа кэпсэтиитигэр Саха сириттэн…
Өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III Сийиэһэ ахсынньы 17 күнүгэр саҕаланар. III Сийиэс бырагыраамата…