Дьокуускайга Арассыыйатааҕы Олимпийскай кэмитиэт бэрэсидьиэнэ Станислав Поздняков кэллэ

Бүгүн “Азия оҕолоро” норуоттар икки ардыларынааҕы оонньууну ааттаан-суоллаан кэлбит Арассыыйатааҕы Олимпийскай кэмитиэт бэрэсидьиэнэ Станислав Поздняковы көрүстүлэр.

— Быйыл Оонньуу төрүттэммит сиригэр кэллэ. Бу курдук оҕо успуордун норуоттар икки ардыларынааҕы бырааһынньыгын тэрийбит, көҕүлээбит сиргэ ситиһиини, табыллыыны баҕарабын. Саҥа көрсөр доҕотторгутун кытта бу күннэри умнубаттык атаараргытыгар эрэнэбин. Тоҕо диэтэххэ, Олимпиада биир сүрүн суолтатынан доҕордоһуу буолар. Успуорт түмүгүн аахсыбакка туран саҥа доҕотторунан, бэйэ-бэйэҕитигэр тириэрдэр билиигитинэн-көрүүгүтүнэн  байыаххыт. Бырааһынньыгынан, доҕоттор! – диэн Станислав Поздняков эдэр спортсменнарга туһаайан эттэ.