Хаартыска Ил Дархан уонна Бырабыыталыстыба пресс-сулууспата.
Үгэс буолбут IX Арассыыйатааҕы «Забег.РФ» полумарафон ыам ыйын 24 күнүгэр Улуу Кыайыы 80 сылын чэрчитинэн ыытыллар.
Быйыл Арассыыйа үрдүнэн уопсайа 180 тыһыынча кэриҥэ киһи сүүрүүгэ кыттара сабаҕаланар. Дьокуускайга 1390 киһи кыттара былааннанар.
Сүүрүү сарсыарда 11 чаастан «Куруһаала» атыы-эргиэн кииниттэн саҕалаан, Октябрьскай, Ярославскай, Курашов уулуссаларынан уонна Ленин проспегын устун ыытыллыаҕа.
Полумарафон бырагырааматыгар 4 дистанция киирэр: 1000 м, 5000 м, 10000 м, 21100 м. Күрэхтэһии уолаттар, кыргыттар, юниордар, эр дьон уонна дьахталлар икки ардыларыгар ыытыллыаҕа. Кыттааччылар “саҥа саҕалыыр”, “любитель” уонна “идэтийбит сүүрүүк” көрүҥнэри талан сүүрүөхтэрэ. Оҕолор эмиэ туспа бөлөҕүнэн сүүрүөхтэрэ.
Кыттааччыларга футболкалары уонна сүүрүү нүөмэрдэрин, финиш кэнниттэн өйдөбүнньүк мэтээллэри уонна сэртипикээттэри туттарыахтара.
Былырыын сүүрүүгэ 1100 кэриҥэ киһи кыттыбыт. «ЗаБег.РФ» Бүтүн Арассыыйатааҕы полумарафон сүрүн соруга — нэһилиэнньэни физкултуураҕа уонна успуорка тардыы, чөл олоҕу тарҕатыы, чэпчэки атлетиканы сыһыарыы буолар.
Сиһилии билсэр сигэ: https://www.sakha.gov.ru/news/5075
Дьокуускай куорат борокуратуурата криптовалютаҕа инвестициялыыр аатыран дьон үбүн-харчытын уорууга сыһыаннаах холуобунай дьыаланы суукка ыытта. Бу…
СӨ Ил Дархана Айсен Николаев тохсунньу 9 күнүгэр Дьокуускайга 253 үөрэнээччилээх 1 №-дээх орто оскуола…
Ааспыт сыл сэтинньитигэр онкология өрөспүүбүлүкэтээҕи диспансерын устуоруйатыгар киирэр түгэн — плазмосорбция процедурата оҥоһулунна. Анестезиология, реанимация…
Суукка иһигэр өрөспүүбүлүкэҕэ икки буруйу оҥоруу тахсыбыта бэлиэтэннэ. Бу туһунан СӨ Борокуратуурата иһитиннэрэр. Дьокуускай куоракка…
Оҕолору анал кириэһилэтэ суох таһыы иһин ыстараап икки бүк кэриҥэ улаатар. Ол курдук, тохсунньу 9…
Бу күннэргэ Тымныы полюһунан аатырар Өймөкөөн нэһилиэгэр туристар үгэс быһыытынан тоҕуоруһа мусталлар. Тымныы хаһаайынын --…