Дьокуускайга арендаламмыт приставканы атыылаабыттар

ИДьМ 1 №-дээх полициятын отделын дьуһуурунай чааһыгар  киин куорат олохтооҕо 80 тыһыынча солкуобайдаах оонньуур приставкатын уорбуттарын туһунан биллэрбит.

Суһал-көрдүүр дьаһалларынан холуобунай ирдэбил үлэһиттэрэ уорбаланааччы урут сууттаммыт 37 саастаах Мэҥэ  Хаҥалас улууһун олохтооҕо буоларын быһаарбыттар.

Уорбаланааччы приставка арендаҕа бэриллэрин туһунан биллэриини көрөн, эмсэҕэлээччигэ биир күҥҥэ уларсык ылыан баҕарарын туһунан суруйбут. Уорбаланааччы приставка арендатын төлөөбүт, ол эрээри атын киһи докумуонун туттарбыт. Ол кэннэ арендаламмыт тиэхиньикэни куйаар ситимигэр биллэрии таһааран атыылаабыт. Харчыны тус наадатыгар туһаммыт. Холуобунай дьыала тэрилиннэ, диэн ИДьМ пресс-сулууспата суруйар.