Хаартыска: www.sakha.gov.ru
Дьокуускайга Архитектура аан дойдутааҕы күнүгэр анаммыт Архитектура нэдиэлэтин үөрүүлээх сабыллыыта буолла. Алтынньы 6-с күнүттэн 10-с күнүгэр диэри киин куоракка архитектураны сайыннарыы, табыгастаах куорат эйгэтин тэрийии уонна идэтийбит уопуту атастаһыы диэн биир сорукка түмүллүбүт уонунан тэрээһин ыытылынна.
Кыттааччыларга эҕэрдэ тылы СӨ Бырабыыталыстыбатын бэрэссэдээтэлин бастакы солбуйааччы Дмитрий Садовников эттэ. Кини идэлээхтэр түмсүүлэрин нэдиэлэ ситиһиилээхтик түмүктэммитинэн эҕэрдэлээтэ уонна Саха сиригэр архитектураны уонна куорат эйгэтин сайыннарыыга улахан болҕомто уурулларын бэлиэтээтэ.
«Дьоҕурдаах архитектордар, дизайнердар уонна бырайыактааччылар үлэлэрин түмүгэр куораттарбыт олохтоохторго уонна ыалдьыттарга табыгастаах, аныгылыы уонна тардар күүстээх буолан иһэллэр. Чопчу архитектордар идэлэрин үрдүктүк баһылааһыннарын уонна айымньылаахтык сыһыаннаһыыларын көмөтүнэн ураты айылҕа ландшафтарын харыстыыр, үгэс буолбут быһыылары аныгы кэм урбанизмыгар сэрэнэн киллэрэр уонна куорат олохтоохторо олорорго, сынньанарга табыгастаах, сылаас-сырдык эйгэлэри тэрийэр кыаллар. Бүгүн биһиги сорукпут – куорат эйгэтин барыларыгар тиийимтиэ, куттала суох уонна экологичнай, нэһилиэнньэ чөл олоҕу тутуһарыгар уонна көхтөөхтүк сынньанарыгар сөптөөх оҥоруу буолар. Биһиги өрөспүүбүлүкэбит архитектордарын ситиһиилэринэн киэн туттабыт, салгыы үүнэллэригэр уонна айымньылаахтык бэйэлэрин көрдөрөллөрүгэр табыгастаах усулуобуйаны тэрийэбит», – диэн Дмитрий Садовников бэлиэтээтэ.
Кини нэдиэлэ ис хоһоонноох бырагырааманан ааспытын бэлиэтээтэ: муниципальнай архитектордарга уонна бырайыактааччыларга куорат тутуутун билиҥҥи хайысхаларыгар анаммыт сэминээр буолла. Бырагыраама сүрүн чааһынан дьыалабыай сессия буолла, онно уопсастыбаннай сирдэри тупсарыы, устуоруйа нэһилиэстибэтин харыстааһын уонна архитектурнай көҕүлээһиннэри олоххо киллэрии мэхэньииһимнэрин тупсарыы боппуруостара дьүүллэһилиннилэр. Салгыы идэлээхтэр түмсүүлэрин бэрэстэбиитэллэригэр наҕараадалары туттарыы буолла.
«Саха сирин Бочуоттаах архитектора» ураты бэлиэни «Территориялары сайыннарыыга компетенция киинэ» АКО дириэктэрэ Ирина Маркина тутта. СӨ Бырабыыталыстыбатын бэрэссэдээтэлин бастакы солбуйааччытын Махтал суруктарынан Архитектура уонна куораты тутуу управлениетын куораты тутуу уонна кэтиир-хонтуруоллуур үлэҕэ отделын сүрүн исписэлииһэ Николай Ефремов, архитектура-тутуу бырайыагын отделын сүрүн исписэлииһэ Евгения Никитина, «Территориялары сайыннарыыга компетенция киинэ» АКО пресс-сэкирэтээрэ Марианна Кутукова уонна «Территориялары сайыннарыыга компетенция киинэ» АКО дуогабарынан үлэҕэ сүрүн исписэлииһэ Лилия Кычкина наҕараадаланнылар.
Сиһилии бу сигэнэн ааҕыҥ: https://www.sakha.gov.ru/news/13500
Саха сиригэр 2026 сылга 106,79 км суол үлэҕэ киириэҕэ. Онтон 87,7 км – эрэгийиэннээҕи суоллар,…
Академик Л.К. Эрнст аатынан Сүөһү иитиитин федеральнай чинчийэр киинин – ВИЖ учуонайдара дойду быраактыкатыгар аан…
Муус устар 1 күнүттэн социальнай биэнсийэлэр 6,8% индексацияланыахтара. Үрдээһин кээмэйин хайдах аахпыттарын уонна 2026 сылга…
Айсен Николаев олунньу 6 күнүгэр Арктикатааҕы судаарыстыбаннай ускуустуба, култуура уонна креативнай индустриялар университетыгар сырытта. Үрдүк…
Уус-Алдан улууһугар олунньу 7 -8 күннэригэр «Дыгын оонньууларын» сэттэ төгүллээх кыайыылааҕа Иван Белолюбскай чиэһигэр «Чөмпүйүөн…
Ханнык да кэмҥэ ыччат тиэмэтэ сытыытык турар. Ол сүрүн кыһалҕанан ыччат дьарыктаах буолуута буолар. Ааспыт…