Хаартыска: СИА
Сарсын, кулун тутар 20 күнүгэр, Дьокуускайга «Сосновый бор» өрөспүүбүлүкэтээҕи оҕолор сынньанар уонна чэбдигирдэр киин территориятыгар «Арктика оҕолорун оонньуулара» өрөспүүбүлүкэтээҕи күрэхтэһиилэр ыытыллыахтара.
Үгэскэ кубулуйбут күрэхтэһиилэргэ Арктика улуустарын уонна Хотугу сир төрүт олохтоох аҕыйах ахсааннаах норуоттарын оҕолоро кыттыыны ылыахтара.
«Быйылгы VI «Арктика оҕолорун оонньуулара» күрэхтэһиигэ Арктика сэттэ улууһуттан уонна Хотугу сир төрүт олохтоох аҕыйах ахсааннаах норуоттар бэрэстэбиитэллэрин үөрэнээччилэрин хомуур хамаандалара кыттыахтара. Хотугулуу- Илиҥҥи норуоттар икки ардыларынааҕы күрэхтэһиилэр бырагыраамаларыгар наарда үрдүнэн ыстаныы, ноори, аркааны быраҕыы, эбэҥки футбола, киэҥ хайыһарынан сүүрүү, ону сэргэ «хабылык» уонна «хаамыска» национальнай остуол оонньуулара буолуохтара. Көрөргүт курдук, күрэх төрүт үгэс буолбут успуорт көрүҥнэрин уонна Хотугу сир төрүт олохтоох аҕыйах ахсааннаах норуоттарын олохторун кытары сибээстээх», – диэн СӨ Бырабыыталыстыбатын бэрэссэдээтэлин солбуйааччы Ольга Балабкина кэпсээтэ.
Бу национальнай оонньуулар Арктика уонна хотугу сир олохтоохторун олохторун-дьаһахтарын, бултааһын, балыктааһын, таба иитиитин уратыларын көрдөрөллөр. Холобур, төһө элбэх наарта нөҥүө сынньалаҥа суох ыстаммыт оҕо кыайыылаах тахсар. Аркааны быраҕыыга оонньуур былаһаакка ортотугар турар маһы кистии сатыахха наада. Ноори диэн 1,5 миэтэрэ усталаах ураҕаһы ытыска ууран, биир атахха туруохха наада. Оттон эбээннэр футболларыгар үрдүк түүлээх этэрбэһинэн оонньууллар, мээчигэ таба тириититтэн оҥоһуллубут буолар.
Кулун тутар 20 күнүгэр күрэхтэһии үөрүүлээх сиэрэ-туома ыытыллыаҕа, оттон кулун тутар 21-21 күннэргэ күрэхтэһиилэр буолуохтара, ити кэннэ кулун тутар 22 күнүн киэһэтигэр кыайыылаахтары уонна призердары наҕараадалыахтара.
СӨ Ил Дарханын уонна Бырабыыталыстыбатын пресс-сулууспата
Кэбээйи улууһун борокуратуурата олохтоох дьахтарга тэриллибит холуобунай дьыала буруйдуур түмүгэ бигэргэннэ диэн СӨ Борокуратуурата иһитиннэрэр.…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…
Erid: 2SDnjdhGTzX ПСБ биир кэлим счекка ханнык баҕарар социальнай төлөбүрдэри суһаллык ыларга анаан, олус…
Ахсынньы 17-19 күннэригэр Муниципальнай тэриллиилэр бэрэстэбиитэллээх уорганнарын дьокутааттарын III сийиэһигэр бары улуустартан, нэһилиэктэртэн 500-чэкэ дьокутаат…
Ааспыт нэдиэлэ иһигэр өрөспүүбүлүкэ 6 олохтооҕо түөкүттэр албыннарыгар киирэн биэрэн, уопсайа 1 840 037 солкуобайы…
РФ Бэрэсидьиэнэ Владимир Путин Административнай кэһиилэр тустарынан кодексатыгар уларытыылары киллэрэр уонна байыаннай комиссариакка көспүтүҥ туһунан…