Дьокуускайга арыгыны сокуоннайа суох атыылааһын кыһалҕата сытыытык турар

Биһиги куораппытыгар сокуоннайа суох атыылааһын кыһалҕата өрүү сытыытык турар. Арыгынан барыстанааччылар, хааччахтааһыны уонна ыстараабы аахсыбакка, дьон куһаҕан дьаллыгын туһанан бэйэлэрин кирдээх урбааннарын салгыы сайыннараллар. Дьону арыгыга үөрэтэн, дьиэ кэргэттэри алдьаталлар уонна буруйу оҥоруу туругун мөлтөтөллөр диэн Дьокуускай куорат мээрэ Евгений Григорьев ВК ситимҥэ иһитиннэрэр.

Дьокуускайдааҕы полиция үлэһиттэрэ арыгыны атыылааһын ирдэбилин кэһии 14 түгэнин бэлиэтээтилэр. Манна сыһыаннаах быраабы кэһии боротокуоллара оҥоһулуннулар, сокуоннайа суох эргинии иһин 187 лиитирэ итирдэр утах былдьанна.

Дьокуускай куорат дьаһалтатын административнай хамыыһыйатыгар маҕаһыыннарга, баардарга, түүҥҥү кулууптарга уонна «лже-кафеларга» сыһыаннаах 9 матырыйаал киирбит. Балар бары Саха Өрөспүүбүлүкэтин Административнай быраабы кэһии кодексатын 6.25 ыстатыйатынан – бэрээдэги тутуһуу ирдэбилин кэһии иһин эппиэккэ тардыллыахтара.

Уопсастыбаннай сирдэртэн араас буруйу оҥоруу иһин полицияҕа 109 киһи киирбит, олортон 5 киһи – сылаас тохтобуллартан.

Оттон ГАИ үлэһиттэрэ ааспыт нэдиэлэ устата итирик туруктаах 24 суоппары туппуттар. Олортон 2 суоппар иккис төгүлүн тутуллубут, кинилэргэ холуобунай дьыала тэриллиэн сөп.

Онон Дьокуускай куорат дьаһалтата куорат олохтоохторо, арыгы атыытыгар эбэтэр атын да бэрээдэги кэһиини бэлиэтээтэххитинэ, ВКонтакте ситимҥэ суруйуоххутун сөп: https://vk.com/wall710173374_13407