Хаартыска: ЯСИА
Дьокуускайга субуотаҕа В.И. Гришуков аатынан гражданскай авиация авиационнай-тэхиниичэскэй училищетын саҥа үөрэх куорпуһун акылаатыгар бастакы тааһы уурдулар.
«Бу улахан бырайыагы биһиги чуолаан Саха сирин авиациятын 100 сыллаах үбүлүөйдээх сылыгар саҕалыырбыт бэлиэ суолталаах! Арассыыйаҥа авиатордары бэлэмниир үөрэх тиһигэ ураты. Аан дойду үрдүнэн теорияны уонна быраактыканы үксүн бэлиэтиир буоллахтарына, биһиэхэ кэскиллээх исписэлиистэргэ идэҕэ иккиэннэригэр холбоон ылаллар.
Бу чаҕылхай түмүгү биэрэр: аан дойдуга үрдүктүк сыаналанар биһиги выпускниктарбыт көтүү куттала суох буолуутун хааччыйаллар. Эбийиэк көннөрү тутуу эрэ буолбатах – ити биһиги инникигэ бииргэ оҥорор хардыыбыт. Саҥа куорпус биһиги курсаннарбытыгар төрөөбүт Сахаларын сириттэн барбакка эрэ, саамай аныгы үөрэххэ сатабылларын чочуйарга кыах биэриэҕэ. Уонна сотору кэминэн чуолаан кинилэр биһиги бөһүөлэктэрбитин, куораттарбытын уонна киэҥ-куоҥ Арассыыйаны барытын бииргэ ситимниир сөмөлүөттэри халлааҥҥа көтүтүөхтэрэ. Ол курдук, бары бииргэ дьиҥнээх эрэбиллээх халлааны айабыт», — диэн СӨ бырабыыталыстыбатын бэрэссэдээтэлин бастакы солбуйааччы Дмитрий Садовников бэйэтин ТГ-ханаалыгар суруйда. В.И. Гришуков аатынан Дьокуускайдааҕы гражданскай авиация авиационнай-тэхиниичэскэй училищета Санкт-Петербурдааҕы гражданскай авиация судаарыстыбаннай университетын филиалынан буолар.
Бүгүн Ый Чубуку бэлиэтигэр сылдьар. Ол аата бүгүҥҥү таптал – уоттаах-төлөннөөх буолбакка, бигэ, эрэллээх буолуохтаах.…
Дьокуускайга олунньу 22 күнүгэр "Быть здоровым -- это модно!" диэн 14-с төгүлүн ыытыллар Норуоттар икки…
Педагогическай наука кандидата Елизавета Петровна Гуляева ыҥырыытынан, Ийэ тыл күнүгэр Дьокуускай куорат 31 нүөмэрдээх орто…
Саха сирин сүүмэрдэммит хамаандатын дзюдоистката Аина Моисеева Ташкент куоракка ыытыллар «Большой шлем» күрэхтэһиигэ дойду сүүмэрдэммит…
Тимофей Сметанин уонна Яков Стручков кэпсээннэринэн уһуллубут "Мэхээлэчээн булчут" киинэ кулун тутар 19 күнүттэн улахан…
Бүгүн, олунньу 13 күнүгэр, Дьокуускай куоракка «Патриот» ыччат киинигэр оҕону, ыччаты патриотическай иитиигэ улахан суолталаах…