Киин куоракка азартнай оонньуулары тэрийбит бөлөх чилиэттэрэ хаайылыннылар

«Хара санаалаахтар бэйэлэрин буруйдаах былааннарын олоххо киллэрэр сыалтан, куорат оройуоннарыгар дьиэ куортамнаһан, WhatsApp* (Арассыыйаҕа экстремискэйинэн бобуллубут Meta хампаанньа бас билиитэ) нөҥүө оонньуу ыытыллар кэмин, киирии билиэт сыанатын, «ставкалар», «сабыылаах турнирдар» тустарынан араас биллэриилэри ыыталлара», — диэн ФСБ Саха сиринээҕи управлениета иһитиннэрэр.

Буруйу оҥорор бөлөх кистэлэҥи тутууга улахан болҕомтотун уурара. Оонньууга мэктиэлээһининэн эбэтэр киһи сүбэтин быһыытынан  эрэ киирэр кыахтаахтар эбит. Киирбит үп-харчы криминальнай бөлөхтөрү уонна хаайыга олорор дьону үбүлээһиҥҥэ ыытыллара биллибит. Тэрийээччи 150 тыһ. солк. ыстарааптаах 3 сыл 6 ый болдьоххо көҥүлэ быһылынна, икки сууттанааччы — хас биирдиилэрэ 100 тыһ. солк. ыстарааптаах 3 сыл 3 ый болдьоххо көҥүллэрэ быһыллыбыт, оттон үс киһи — хас биирдиилэрэ 50 тыһ. солк. ыстарааптаах 3 сыл болдьоххо көҥүлэ быһыллыбыт.

WhatsApp* (Арассыыйаҕа экстремискэйинэн бобуллубут Meta хампаанньа бас билиитэ)